Jizzax davlat pedagogika institutida “8-mart Xalqaro xotin-qizlar kuni” bayrami munosabati bilan o‘tkazilgan bayram tadbiri
2019 yil 7 mart kuni A.Qodiriy nomidagi Jizzax davlat pedagogika instituti madaniyat saroyida “8-mart Xalqaro xotin-qizlar kuni” bayrami munosabati bilan “Bayramingiz muborak, aziz ayollar!!!” deb nomlangan ma’naviy-ma’rifiy tadbir bo‘lib o‘tdi. Tadbirni institut rektori prof.A.J.Xolbekov kirish so‘zi bilan ochib berdi, institut rektori o‘z so‘zida institutda faoliyat ko‘rsatayotgan ayollarni, talaba qizlarni kirib kelayotgan “8-mart Xalqaro xotin-qizlar kuni” bay rami munosabati bilan tabrikladi. Shundan so‘ng maktabgacha ta’lim kafedrasi mudiri, II-darajali “Sog‘lom avlod uchun” ordeni sohibi Hamidulla Meliev, Tarix fakulteti 3-kurs talabasi, Yoshlar ittifoqi stipendianti Farrux Pardaboevlar bayram tabrigi uchun so‘zga chiqdilar.
Shundan so‘ng 2018-2019 o‘quv yilida o‘quv-uslubiy, ma’naviy-ma’rifiy va boshqa sohalarda yuksak marralarga erishgan, ilmiy darajalarga erishgan ayol professor-o‘qituvchilar, turli ko‘rik-tanlovlarda, sport musobaqalarida g‘olib bo‘lgan talaba-qizlar hamda bayram munosabati bilan institut kasaba uyushmasi qo‘mitasi tomonidan xotin-qizlar o‘rtasida o‘tkazilgan sport musobaqalari g‘oliblari institut rahbariyatining faxriy yorliqlari va kasaba uyushma qo‘mitasining qimmatbaho esdalik sovg‘alari bilan taqdirlandilar. Tadbirning badiiy qismida institutning musiqiy ta’lim yo‘nalishi professor-o‘qituvchilari va talabalari tomonidan tayyorlangan konsert dasturi namoyish etildi. Tadbirda jami 560 nafar professor-o‘qituvchilar va talabalar ishtirok etdilar.
