Jizzax davlat pedagoigka isntitutida bo‘lib o‘tgan tadbir ana shunday nomlandi.
Qish mavsumi yaqinlashgani sari yurtimizning turli hududlarida is gazidan zaharlanish, va buning oqibatida noxush holatlar ham ko‘payadi. Is gazi nima, undan qanday saqlanish mumkin, qish arafasida xonadonlarda qanday ehtiyot choralari ko‘rilishi kerak — Jizzax davlat pedagogika instituti Pedagogika psixologiya fakulteti tomonidan tashkillashtirilgan “Is gazidan ogoh bo‘ling!” tadbiri ana shu dolzarb mavzuga bag‘ishlandi.
Tadbirda “Hududgaz Jizzax” gaz ta’minoti filiali mutaxassislari, Jizzax shahar Favqulodda vaziyatlar boshqarmasi xodimlari, professor-o‘qituvchilar va talaba yoshlar ishtirok etishdi.
Bugun turmushimizda tabiiy gaz beminnat dastyorga aylangan. Ulkan korxonalar faoliyatidan to, avtomobillar harakatigacha, taomlar pishirishdan, xonadonimiz issiqligigacha, barchasida ushbu ne’matning o‘rni beqiyos.
Ammo ayrimlar tabiatning ana shu noyob va qayta tiklanmas zahirasidan oqilona va to‘g‘ri foydalanishga e’tibor bermaydi. Buni kuzatilayotgan is gazi va gaz chaqnashlari bilan bog‘liq salbiy holatlarda ham ko‘rish mumkin. Is gazidan zaharlanishning sabablaridan biri, aholining xususan, ijara uylarda istiqomat qiluvchi talabalarning is gazi va uning oqibatlari haqida yetarli ma’lumotga ega emasligi yoki befarqligidir. Is gazi qanday paydo bo‘ladi? Va uning oldini olishda nimalarga e’tibor qaratish lozim? Shu kabi savollarga “Hududgaz Jizzax” gaz ta’minoti filiali xodimi Qodir O‘rolov va Jizzax shaxar Favqulodda vaziyatlar boshqarmasi vakili Dilmurod Hayitovlar batafsil tushuncha berib o‘tishdi.
