Bugun Jizzax davlat pedagogika universiteti Jismoniy madaniyat fakultetiga universitetning ilk bitiruvchilari va faxriy ustozlar to‘planishdi.
«Uch avlod uchrashuvi» deb nomlangan diydorlashuv tadbiri faxriy mehmonlarning fakultetda yaratilgan sharoitlar bilan tanishishdan boshlandi.
Universitetning 50-yilligi munosabati bilan tashkil etilgan tadbirga yig‘ilganlarni fakultet rahbariyati esdalik sovg‘alari bilan taqdirlashdi. Shirin diydor mazmunli suhbatga ulandi.
So‘z olganlar kechagi va bugungi oliygoh faoliyati bilan bog‘liq qiziqarli voqealarni yodga olishdi.
Tadbir so‘ngida fakultetni bu yil bitirib ketayotgan bitiruvchilar bilan uchrashuv tashkil etildi. Savol-javoblar va qiziqarli suhbatlar asosida tashkil etilgan uchrashuv so‘ngida musiqiy chiqishlar namoyish etildi.
