“Boshlang‘ich ta’limning dolzarb masalalari: muammo va yechimlar”,anjuman ana shunday nomlandi…
“Boshlang‘ich ta’limning dolzarb masalalari: muammo va yechimlar” Jizzax davlat pedagogika institutidaa bo‘lib o‘tgan respublika miqyosidagi onlayin ilmiy-amaliy anjuman ana shunday nomlandi. .
Onlayn konferensiyada Respublikamiz va qo‘shni davlatlarning oliy ta’lim muassalaridan sohaning yetuk olimlari, professorlar, doktorantlar, mustaqil izlanuvchilar, magistlar va bakalavrlar, shuningdek, umumiy o‘rta ta’lim maktablarining ilg‘or pedagog-o‘qituvchilari ishtirok etdi. Ta’kidlash joiz anjumanga 4 ta sho‘ba mavzulari doirasida 150 dan ortiq maqola va tezislar qabul qilingan, tahrirdan o‘tkazilgan va materiallar to‘plam holida nashr qilingan.
Konfrensiyani ishini Jizzax davlat pedagogika institut rektori professor Sh.S.Sharipov ochib berdi.
Shundan so‘ng mavzu yuzasidan Boshlang‘ich ta’lim fakulteti dekani f.f.n., dos.F.Ibragimova, Toshkent davlat pedagogika universiteti Ilmiy ishlar va innovatsiyalar bo‘yicha prorektor p.f.d, prof. B.S.Abdullaeva, Muxtor Avezov nomidagi Janubiy Qozog‘iston davlat universitetidan p.g‘.k.,dotsent G.O.Jetpіsbaeva, f.f.n dos. Z. N. Mamarajabova, f.f.d. dos. G.U.Jumanazarova, p.f.n., dos. G.A.Xolboevalar ma’ruza qildilar. Anjuman davomida Qo‘qon davlat pedagogika instituti Boshlang‘ich ta’lim metodikasi kafedrasi dotsenti A.To‘raxo‘jaeva, Jizzax politexnika instituti Ilmiy ishlar va innovatsiyalar bo‘yicha prorektori dotsent S.Tovboev, Jizzax davlat pedagogika instituti Jismoniy madaniyat fakulteti dekani dotsent F. Ahmedovlar mavzu doirasida o‘z fikr-mulohaza va takliflari bilan o‘rtoqlashdilar.
Konferensiya ishi 4 sho‘bada ko‘rib chiqildi:
1) Boshlang‘ich ta’limga innovatsion texnologiyalarni joriy etish;
2) Boshlang‘ich sinflarda ona tili va adabiy ta’limning dolzarb muammolari;
3) Boshlang‘ich sinflarda matematika o‘qitishni takomillashtirish;
4) Boshlang‘ich ta’limni integratsiyallash masalalari
Konferensiya so‘ngida taqdim etilgan materiallar asosida boshlang‘ich ta’limda bugungi kunning dolzarb muammolari va ularning yechimlarini o‘rganish shu asosida yo‘l xaritasi ishlab chiqib bosqima-bosqich ishlarni amalga oshirish yuzasidan takliflar bildirilddi.
Ushbu konferensiya ZOOM dasturi orqali onlayn ravishda olib borildi.
Jizzax davlat pedagogika instituti axborot xizmati
