Chempion  Jaxongir Zokirov munosib kutib olindi…

Bugun Jizzax davlat pedagogika instituti hovlisida   tashkil etilgan tantanali marosimga Jizzax davlat pedagogika instituti faxri , Polshada o‘tkazilgan musobaqalarda boks bo‘yicha jaxon chempioni unvoniga sazovor bo‘lgan Jaxongir Zokirov karnay surnay sadolari ostida kirib keldi. Talabalar va professor-o‘qituvchilar ishtirokida tashkil etilgan tantanali marosimni institut rektori Sh.Sharipov ochib berdi.  U Jaxongirning g‘alabasi bilan tabriklash bilan bir qatorda  bundan 12 yil avval Jaxongirning dadasi va murbbiyi Laziz Zokirovning Jizzax nomini yuksaklarga ko‘targan  g‘alabasi  haqida to‘xtaldi.         “bu g‘alaba o‘sha betakror onlarning davomi desak mubolag‘a qilmagan bo‘lamiz. Butun O‘zbekiston faxriga aylangan Jaxongir Zokirov bundanda yuksak yutuqlarni qo‘lga kiritishiga ishonaman”,-deydi institut rektori Sh.Sharipov “Jaxongir Jizzaxining asl farzandi u ham siz qatori  mana shu institutning oddiy talabasi. Uning qo‘lga kiritgan yutug‘i sizning qolaversa butun jamoaning yuutug‘idir. Hurmatli ustozlar sizga qancha tashakkur aytsam shuncha oz. Boshim yerga tekkuncha ta’zimdaman ”,- deydi boks bo‘yicha Osiyo chempioni Laziz Zokirov   Jaxongir Zokirovning g‘alabasi bilan qutlab uning ustozlari tengdoshlari ham o‘z tabriklarni  sovg‘a salomlar bilan izhor etishdi. Tantanali marosim davomida uning ustozlari  ham  o‘z hayajonlarini samimiy tabriklari bilan namoyon etishdi. “Meni qo‘llab turganingiz va mana shunday iliq va hayajonli uchrashuv uchun o‘z minnatdorchiligimni bildiraman. Sizning duolaringiz sabab men g‘oliblikni qo‘lga kiritdim. Oldinda Fransiyada bo‘lib o‘tadigan Olimpiya o‘yinlari turibdi unda ham g‘alaba qozonib ishonchingizni oqlashga harakat qilaman” deydi chempion Jaxongir Zokirov