Ogoh bo‘lish biron sohaning o‘zigagina qarashli, ahamiyatli xolos emas. U , barcha uchun birdek muhim masala hisoblanadi. Bir so‘z bilan aytadigan bo‘lsak, ogohlik, hushyorlik doimo muhim mavzudir.
Xo‘sh biz Farzandlarimizning tarbiyasiga qay darajada e’tiborlimiz, ularning tarbiyasi uchun yoki ular nimalar bilan mashg‘ulligi borasida bilish uchun qancha vaqt ajratyapmiz?! Farzandlarimizga o‘zimiz ham ishlatishni bilmaydigan qurilmalar (telefon, planshet, kompyuter va boshqalar)ni olib beryapmiz. Ular bundan qanday maqsadda, qay yo‘sinda foydalanayotganligiga kunda bir bora bo‘lsa ham e’tibor beryapmizmi?! Ular bo‘sh vaqtlarini nimalarga va kimlarga sarflayotganligi borasida bilamizmi?! Ming taassuflar bo‘lsinki, bu savollarni aksariyatiga javob bera olmaymiz. Sababi, bu narsalarga ko‘p hollarda beparvolik qilyapmiz! Buning oqibati haqida fikr yuritib ko‘rdikmi?!… Jizzax davlat pedagogika instituti “ Madaniyat saroyi” da Jizzax viloyat IIB i vakillari ishtirokida bo‘lib o‘tgan tadbir ham ana shu dolzarb masalaga bag‘ishlandi.
Unda ishtirok etgan Jizzax viloyat IIB si xodimlari o‘z ma’ruzalarida talaba yigit qizlarimizni xushyor bo‘lishlikka va loqayd bo‘lmaslikka yon atrofda bo‘layotgan voqea hodisalarga beparvo bo‘lmaslikka da’vat etdi. Ma’lumotlarga e’tibor qaratadigan bo‘lsak , 2019 yilning o‘tgan 8 oyi davomida viloyat hududida “ Sovuq quroldan , hayot va sog‘liq uchun xavfli boshqa buyumlardan” foydalanilgan holda 72 ta jinoyat sodir etilgan .agar bu jinoyatlarning sodir etilgan vaqtlariga e’tibor qaratadigan bo‘lsak,ular asosan tungi vaqtlarda (soat 18:00dan-24:00 gacha ) sodir etilgan.
“Beparvolik, loqaydlik va hattoki buzg‘unchilik singari illatlarning avvali bekorchilikdan boshlanadi. Kishi bekorchi bo‘lib qolganda albatta hayoliga turli fikrlar keladi. Mana shu fikrlarni to‘g‘rilikka yo‘naltirishga irodasi yetmagan kimsalarda albatta buzg‘unchilik, fitna-fasod paydo bo‘ladi. Chunonchi bekorchilik ko‘paygani sayin dangasalik kuchayadi. Zero, hayot, umr vaqtlardan iboratdir. Xo‘sh, bugun bizning oliygohimiz talabalari nimalar bilan mashg‘ul, ularning qancha vaqtlari yoki kunlari bekorchilikda o‘tyapti? Biz bugun mana shular borasida atroflicha, vijdonan fikr yuritib ko‘rishimiz lozim. Chekka tumanlardan ,uzoq viloyatlardan ilm olish uchun kelgan talabalarimiz darsdan so‘ng nimlar bilan mashg‘ul bo‘lishmoqda? Bugungi tadbirda ko‘zlangan maqsad ham shu edi,o‘ylaymanki tadbirda ishtirok etgan talabalarimiz IIB xodimlari tomonidan keltirilgan turli xil jinoyatlar va ularga sababchi bo‘lgan omillar to‘g‘risida batafsil ma’lumotga ega bo‘lishdi va o‘zlariga kerakli to‘g‘ri xulosani chiqarib olishadi. “ –deydi institut yoshlar bilan ishlash masalalari bo‘yicha prorektor Sarvar Nazarqosimov
Ogohlik, xushyor bo‘lib yashash, bir kunlik yoki muayyan bir mavsumiy masala emas. Bu borada doimo e’tiborli bo‘laylik. Yoshlarimizning kelajagi,ularning istiqboli borasida ko‘proq qayg‘uraylik, mana shundagina ajdodlarimizga munosib avlod bo‘lamiz.
Jizzax davlat pedagogika instituti axborot xizmati
