A.Qodiriy nomidagi Jizzax davlat pedagogika institutidagi mavjud 8 ta alohida iqtidor talab etadigan yo‘nalishlarga 7 mingga yaqin abiturient ro‘yxatdan o‘tgan.
Kecha 2 sentabr kuni alohida iqtidor talab etiladigan bakalavriat ta’lim yo‘nalishlariga kirish imtihonlari boshlandi.Ta’kidlash joiz Abiturientlarning xavfsizligi va sog‘ligini asrash uchun barcha choralar ko‘rilgan. Institut hududiga kirish dezinfeksiya tunellari o‘rnatilgan. Har bir abiturient tuneldan o‘tgach, issig‘i o‘lchanib, antiseptik vositalar bilan qo‘llarini tozalashmoqda. Ayni paytga qadar virus alomatlari bor abiturientlar kuzatilmagan.
Shu o‘rinda abiturientlarning yaqinlar, ota-onalariga yana bir bor eslatib o‘tamiz Kasbiy ijodiy imtihonlar bo‘lib o‘tadigan yo‘nalishlardan tasviriy san’at va musiqa ta’limi yo‘nalishlarini
live.jdpu.uz saytidan , jismoniy madaniyat yo‘nalishi imtihon jarayonini
live2.jdpu.uz sayti orqali onlayn ko‘rish imkoniyati mavjud. Imtihon o‘tkaziladigan barcha hududlarga veb -kameralar o‘rnatilib, abiturientlarning ota-onalari va yaqinlari bemalol uydan turib imtihonlarni kuzatib borishlari uchun sharoit yaratildi.
