Yettinchi kun tafsilotlari…
Tasvirlarda ko‘rib turganingizdek bugun abituriyentlar Jismoniy madaniyat yo‘nalishining yengil atletika turi bo‘yicha kasbiy(ijodiy) imtihonlarni topshirishmoqda. Jarayonlarni kuzata turib…Bir biridan o‘zishga intilib, yuqori natijani qo‘lga kiritish uchun bor kuch-g‘ayratini ishga solib, harakat qilayotgan yoshlarga havas qilasan kishi… Jon jahdi bilan, biroz hayajonda ko‘rsatilgan topshiriqlarni imkon qadar yaxshiroq bajarishga intilayotgan yoshlarni qo‘llab-quvvatlashni istaysiz. Farzandiga ruhiy dalda bo‘lish uchun kelgan, aslida o‘zining ham hayajoni bolasidan ortiq bo‘lmagan ota-onaning ko‘nglini olgingiz keladi.
Ota-onalar nima deydi?
-G‘allaorol tumanidanmiz. O‘g‘lim bu yil maktabni tugatdi. Uch yildan beri sportning yengil atletika turi bilan shug‘ullanadi. Salohiddin mening bosh farzandim. U bilan birga keldim. Qo‘llab-quvvatlashni istadim. Monitordan kuzatib turibman. Biroz oldin o‘g‘lim 100 metr masofaga yugurishda birinchilardan bo‘lib keldi. Buni ko‘rib quvonib ketdim. Shu kichik yutuq ham ko‘nglimga xursandchilik kirdi,-deydi Umida opa
-Men Jizzax shahridanman mening ham o‘g‘lim bugun ijodiy imtihonlarni topshirish uchun kelgan. Ertalabdan beri ota-onalar uchun mo‘ljallangan maxsus xonalarda monitordan kuzatib o‘tribmiz. Men bilan birga turmush o‘rtog‘im ham kelgan. Ikkimiz ham hayajondamiz. O‘zim qatori farzandini qo‘llash uchun kelgan ota-onalar bilan suhbatlashib o‘tiribmiz.Sharoitlar xususida gaplashdik. Ota-onalar uchun barcha sharoitlar yaratilgan. Kutish xonalari salqin. Mutaxassislar bilan suhbatlashib tushunmagan savollarimizga javob olishga harakat qilayapmiz.-deydi Maftuna Xoliqova
Abituriyentlar nima deydi?
-Hozirgina imtihon topshirib chiqdim. Natijalarim yomon emas. O‘zimga ishonaman. Uch yildan beri tayyorgarlik ko‘raman. Niyatim shu oliygoh talаbasi bo‘lish. Jarayonlar xolis va shaffof o‘tayotgani juda quvonarli. Har kim natijasiga qarab bahosini olayapti. Chiqib meni kutib turgan ota-onamni xursand qilmoqchiman. Ular meni intizor kutib turishibdi –deydi G‘allaorollik abituriyent yigitimiz
– Ismim Umid Samarqand viloyati, Urgut tumanidaman. Bu yil uchinchi yil hujjat topshirdim. Qattiq tayrlandim. 100 metr masofaga yugurish bo‘yicha belgilangan rejani bajardim. Endi 1 km masofaga yugurishga tayyorgarlik ko‘rib turibman. Imtihonlar Xolis va adolatli tarzda o‘tayapti. Bu esa har bir iqtidori bor abituriyentning omadi bo‘lishiga ishoradir- deydi Samarqandlik Umidjon.
