Jizzax davlat pedagogika  instituti kasaba uyushma qo‘mitasi faoliyati

to‘g‘risida ma’lumot

Institut kasaba uyushma qo‘mitasi institut rahbariyati bilan birgalikda ijtimoiy sherikchilik asosida ijtimoiy-mehnat munosabatlarini tartibga solish samaradorligini yanada oshirish, mehnatkashlar uchun munosib mehnat sharoitlarini yaratish  xamda jamoa-shartnomaviy munosabatlar orqali xodimlar xuquq va manfaatlarini himoya qilish borasidagi ishlar izchillik bilan olib borilmoqda. Institut rahbariyati va kasaba uyushma qo‘mitasi o‘rtasida 2015-2017 yillar uchun tuzilgan jamoa shartnomasi Ish beruvchiga va institutning barcha professor-o‘qituvchilari, xodimlari, o‘rindosh tarzida ishlayotgan xodimlarga va talabalarga, shu jumladan jamoa shartnomasi kuchga kirganidan keyin ishga qabul qilingan shaxslarga ham tatbiq etilgan. Institut ma’muriyati o‘quv jarayoni tashkillashtirish va qabul qilingan dasturlarni bajarish uchun mehnat jamoasini moddiy texnik resurslar va moliyaviy mablag‘lar bilan o‘z vaqtida ta’minlab kelmoqda. Institut ma’muriyati institut kasaba uyushma qo‘mitasini xodimlarning vakillik  organi  sifatida  tan olib, kasaba uyushmasi  qo‘mitasining  faoliyat ko‘rsatishi  uchun barcha  sharoitlarni  yaratib bergan. Jizzax davlat pedagogika  instituti kasaba uyushma qo‘mitasi tomonidan O‘zbekiston Respublikasi Prezidenti farmonlari, hukumatimizning ijtimoiy-iqtisodiy, xuquqiy masalalar bo‘yicha qabul qilgan qarorlarining  bajarilishini taminlash maqsadida talim tizimida mehnat va o‘qish sharoitlarini yaxshilash, mehnatni muhofaza qilish masalalarini jamoa  shartnomalarida aks  ettirib, har yili jamoa shartnomasining mehnatni muhofaza qilish bo‘yicha bitimlar tuzilib bajarilishi nazorat qilib turiladi. Institut xodimlari va talaba yoshlar uchun sog‘lom va xavf-xatarsiz mehnat va o‘qish sharoitlarini yaratib berish uchun kasaba uyushma qo‘mitasi tomonidan jamoa shartnomalarida  belgilangan chora-tadbirlar orqali texnika xavfsizligi, mehnat va o‘qish  sharoitlarini yaxshilashda, jarohatlanish va kasb kasalliklarini oldini  olishda bir qator samarali ishlar amalga oshirilib kelinmoqda. O‘tgan yillarda institutda kasb kasalliklariga uchragan xodimlar uchramadi, baxtsiz xodisaga uchraganlar xam kasaba uyushma qo‘mitasida qayd etilmagan. Iinstitut ma’muriyati va kasaba uyushma qo‘mitasi hamkorligida mutaxassislar ishtirokida mehnat muhofazasi va mehnat qonunchiligi bo‘yicha o‘quv-seminarlar tashkil qilinib, ularda rahbar xodimlar, kasaba uyushmasi faollari, mehnatni muhofaza qilish bo‘yicha vakillardan iborat xodimlar  ishtirok etgan. Institut kasaba uyushma qo‘mitasi ish rejasiga institutda mehnat muhofazasi hamda mehnat qonunchiligiga rioya etilishi bo‘yicha masalalar  kiritilgan. Har bir yangi ishga qabul qilingan xodim texnika, yong‘in va elektr xavfsizligi bo‘yicha kirish va ish joylaridagi yo‘riqnomalardan o‘z vaqtida o‘tkazilmoqda hamda tegishli jurnallarga qayd etilmoqda, yo‘riqnomalar tegishli mutaxassislar tomonidan o‘tkazilmoqda. Institut ma’muriyati tomonidan texnika xavfsizligi xonasi uchun 1 ta xona ajratilgan. Xonada mehnat muhofazasi burchagi tashkil etilgan bo‘lib, o‘qitishning zamonaviy texnik vositalari, o‘quv ko‘rgazmali qurollari bilan jihozlangan. Talabalar uylarida talabalarning yashash sharoitini yanada yaxshilash va uni namunali tashkil qilish bo‘yicha masalasiga ham jiddiy e’tibor qaratildi. Jumladan, 400 o‘ringa mo‘ljallangan institut talabalar turar joyi mavjud bo‘lib, 2017 yilda Jizzax viloyatida “Barkamol avlod” sport musobaqalari o‘tkazilishi munosabati bilan ushbu 400 o‘rinli talabalar turar joyi to‘liq qayta rekonstruksiya qilindi va yang o‘quv yilidan boshlab ushbu talabalar turar joyi zamonaviy holda talabalarimiz ixtiyoriga topshirildi. Mehnatkashlar sog‘lig‘ini mustahkamlash, ular o‘rtasida sportni ommalashtirish, ularni sport-sog‘lomlashtirish tadbirlariga keng jalb etish maqsadida xodimlar va ularning oila a’zolari o‘rtasidan o‘tkazilgan respublika oilaviy sport musobaqalari, havaskor velosportchilar o‘rtasida o‘tkazilgan “Kasaba-tur” velemarafoni va institutimiz miqyosida o‘tkazilib kelinayotgan turli sport musobaqalarida xodimlarimiz faol ishtirok etib kelishmoqda. Bu borada ushbu yilda o‘tkazilgan “Yilning eng faol yosh mutaxassisi” tanlovida ham yosh olimlarimiz faol ishtirok etishmoqda. O‘zbekiston kasaba uyushmalari Federatsiyasi Kengashi Rayosatining 2015 yil 25 maydagi «2014-2015 o‘quv yili yakunlariga ko‘ra kasaba uyushmalari stipendiyasini berish to‘g‘risida”gi 22-25-“s”-sonli qarori bilan tasdiqlangan oliy o‘quv yurtlarida taxsil olayotgan talabalar uchun kasaba uyushmalari stipendiyasiga institut ma’muriyati  va institut kasaba uyushma qo‘mitasi qo‘shma qo‘shma qaroriga asosan kasaba uyushmalarining qo‘shimcha stipendiyalari uchun nomzodlarni tavsiya etish talabiga ko‘ra fakultetlarda tahsil olayotgan chin yetim,  kam ta’minlangan oiladan  bo‘lgan, institutning o‘qish va jamoat ishlarida faol ishtirok etib kelayotgan talabalardan jami 4 nafar chin yetim, kam ta’minlangan, iqtidorli va jamoatchi talabaga qo‘shimcha kasaba uyushmasi stipendiyasi  bilan ta’minlanganligi hammamizni quvontirdi. Institut ma’muriyati va kasaba uyushma qo‘mitasi o‘rtasida 2015-2017 yillarga mo‘ljallab tuzilgan jamoa shartnomasida keltirilgan majburiyatlarni bajarish yuzasidan quyidagi ishlar amalga oshirilgan. Ma’muriyat har-xil ma’naviy-ma’rifiy  tadbirlar  hamda sport-sog‘lomlashtirish  ishlarini  kasaba uyushmasi  bilan birgalikda  tashkillashtirib  kelmoqda. Mexnatni muhofaza qilish va mehnat gigiyenasi  bilan bog‘liq tadbirlarni amalga oshirish hamda jamoani moddiy ma’naviy qo‘llab quvvtlash borasida  joriy yilda quyidagi ishlarni amalga oshirdi. Institut kasaba uyushmasi qo‘mitasi va ma’muriyat o‘rtasida imzolangan jamoa shartnomasidagi xodimlarni ijtimoiy-iqtisodiy himoya qilish bandlarini bajarish yuzasidan institut ma’muriyati ham bir qancha ibratli ishlarni amalga oshirib kelmoqda. Jumladan, 14-yanvar “Vatan himoyachilari kuni”, 8-mart “Xalqaro xotin-qizlar kuni”, 21-mart “Navro‘z” bayrami, 9-may “Xotira va Qadrlash kuni” bayrami, 1-sentabr “Mustaqillik kuni”, 1-oktabr “O‘qituvchilar va murabbiylar kuni” kabi bayramlar munosabati bilan barcha xodimlar yil davomida moddiy rag‘batlantirilib kelinmoqda. Kasaba uyushmasi qo‘mitasi tomonidan professor-o‘qituvchi xodimlar quyidagicha moddiy – ma’naviy qo‘llab quvvatlandi: Institutda faoliyat ko‘rsatib kelayotgan Afg‘on urushi va Chernobl halokati ishtirokchilari bo‘lgan professor-o‘qituvchi xodimlar 14-yanvar Vatan ximoyachilar kuni, “Navro‘z” bayrami munosobati bilan “Sumalak sayli” tadbiri o‘tkazildi,  turizm sohasini rivojlantirishga berilayotgan e’tiborni inobatga olib institutda faol mehnat qilib kelayotgan bir guruh professor-o‘qituvchilar va xodimlarni Samarqand shahriga sayohatini tashkil etildi. Xotira va qadrlash kuni, Ramazon va Qurbon hayiti bayramlari munosabati bilan institutda mehnat qilib hozirda nafaqada bo‘lgan professor-o‘qituvchilar va xodimlarning uylariga borib xabar olindi, shuningdek ushbu bayram munosabati bilan an’anaviy Xotira turniri sport musobaqalari o‘tkazildi, boquvchisi yo‘q, kam ta’minlangan 4 nafar xodimlarimiz farzandlarini o‘quv qurollari va darsliklar bilan ta’minlandi, Qurbon hayiti munosabati bilan kam ta’minlangan o‘qituvchi va xodimlarga oziq-ovqat mahsulotlari tarqatildi. Institutimizdagi barcha pensiya yoshidagi keksalarimizni ijtimoiy himoya qilish va ularning yubiley sanalarini nishonlash institut ma’muriyati va kasaba uyushma qo‘mitasining diqqat markazida bo‘lib kelmoqda.  Shuningdek, ijtiomiy himoyaga muhtoj, kam ta’minlangan, betobligi sababli shifoxonalarda davolanayotgan va boshqa sabablar bilan iqtisodiy jihatdan qiynalgan xodimlarga moddiy yordam ko‘rsatilib kelinmoqda. Institutimizda faoliyat yuritayotgan professor-o‘qituvchilar, xodimlar hamda ularning oila a’zolarining sog‘ligini mustaxkamlash masalasiga ham alohida e’tibor qaratilmoqda. Kasaba uyushma qo‘mitasiga ariza bilan murojaat qilib sanatoriya yo‘llanmasi so‘ragan professor-o‘qituvchi va xodimlarga yo‘llanmalar ajratilib ularga ijtimoiy sug‘urta va kasaba uyushma badali mablag‘i xisobidan yo‘llanma narxining 55 foizi miqdorida to‘lov amalga oshirilib kelinmoqda. Institut kasaba uyushma qo‘mitasi raisi D. Ochilov