Jizzax davlat pedagogiika instituti hamda Jizzax viloyat Ma’naviyat va ma’rifat markazi hamkorligida “Musulmon renessansi davrida Usturshonada ilm-ma’rifat” mavzusida ilmiy-amaliy konferensiya o‘tkazilmoqda.
Konferensiya ishini viloyat Ma’naviyat va ma’rifat markazi rahbari I.Umarova ochib berdi. Konferensiya ishida xududimizda yashab ijod etgan olimu fuzalolarning ilmu-ma’rifatga qo‘shgan hissasi xususida O‘zFA Arxeologiya instituti professori M.Pardaev, f.f.dok M.Hoshimxonov, t.f.d (PhD) F.Akchaev o‘z ma’ruzalarida ta’kidlab o‘tishdi. Ilm-fan va madaniyat taraqqiyotida ko‘hna Usturshonaning yirik ilmiy-madaniy markazlardan biri sifatidagi o‘rni ahamiyatlidir. Usturshonaning aksariyat qismi tog‘, g‘arb tomondan Samarqand hududi, janub tomondan Keshning ozgina qismi, Sag‘oniyon, shuman, Voshg‘ird va Rasht xududi, sharq tomondan Farg‘ona yerlari bilan tutashib ketgan. Usturshonada joylashgan shahar va qishloqlar Bunjikent, Zomin, Dizak, Arsiyaniket, Kurket, G‘azak, Fag‘ket, Sabot, Nujket va Xaroqana degan nomlar bilan atalgan. Kattagina xududni egallagan Usturshona fikh ilmini rivojiga alohida hissa qo‘shgan. Jumladan, mashhur fikhshunos olimlar Ahmad ibn Husayn al-Usturshaniy, Abu Ja’far al Usturshaniy, Muhammad ibn Abdulhamid al Usmandiylarning islom ma’rifatini rivojlantirish yo‘lida amalga oshirgan ishlari konferensiyada e’tirof etildi.
