Jizzax davlat pedagogika institutida 2020 yil 3-4 Sentabr kuni Britaniya Kengashi hamda O‘zbekiston davlat jahon tillari universiteti bilan hamkorlikda “PRESETT INDUCTION PROGRAMME WORKSHOP” mavzusida rejalashtirilgan onlayn seminarning birinchi kuni o‘tkazildi!
Ushbu onlayn seminarning asosiy maqsadi O‘zbekistondagi PRESETT dasturi asosida faoliyat yuritayotgan ingliz tili o‘qituvchilariga hamda yangi faoliyatini boshlayotgan o‘qituvchilarga PRESETT dasturini tanishtirishdan iborat bo‘ldi.
Onlayn seminarni Jizzax davlat pedagogika instituti rektori Sharipov Shavkat Safarovich ochib berdi. Sh.S.Sharipov o‘z ma’ruzasida Jizzax davlat pedagogika instituti va Britaniya Kengashining hamkorlik aloqalari, Chet tillari fakultetida Britaniya Kengashi bilan hamkorlikda tashkil etilgan “Professional Development Centre” (Kasbiy rivojlanish markazi) resurs markazi, Ingliz tili amaliy kursi kafedrasi tomonidan Britaniya Kengashi bilan hamkorlikda tanlov asosida e’lon qilingan “Higher Education for Employability” (“Bitiruvchilarni ish bilan ta’minlashda oliy ta’limnmning o‘rni”) nomli loyihasi haqida to‘xtalib o‘tdi.
Keyingi so‘z navbati O‘zbekiston davlat jahon tillari universiteti rektori Azizov Ulug‘bek Botirovich, Britaniya Kengashi ijrochi direktori Gulyamova Jamila Hamidullaevna, Jizzax davlat pedagogika instituti Ilmiy ishlar va innovatsiyalar bo‘yicha prorektor Qodirov G‘ayrat O‘roqboevichlarga berildi.
Shundan so‘ng onlayn seminarni Chet tillar fakulteti Ingliz tili amaliy kursi kafedrasi katta o‘qituvchisi Jabborova Anora Buyuk Britaniya Oliy ta’limni qo‘llab-quvvatlash agentligi “Advance HE Change Academy” tomonidan e’lon qilingan “Higher Education for Employability” (“Bitiruvchilarni ish bilan ta’minlashda oliy ta’limnmning o‘rni”) nomli loyihasi asosida “Developing Graduates` Practice-based Skills” mavzusidagi taqdimoti bilan davom ettirdi. A.Jabborova o‘z taqdimotida loyihaning maqsadi, kutilayotgan natijalar va bajarilayotgan ishlar haqida ma’lumot berib o‘tdi.
Keyingi so‘z navbati O‘zbekiston davlat jahon tillari universiteti “Ingliz tilini o‘qitishning integrallashgan kursi” kafedrasi mudiri Yayra Abduraimovaga berildi.Ya.Abduraimova “PRESETT Induction Program” dasturining maqsadi va vazifalari ushbu onlayn seminardan kutilayotgan natijalar va o‘z faoliyatini endi boshlayotgan PRESETT o‘qituvchilariga tavsiyalar berib o‘tdi hamda “PRESETT Induction Program” dasturini ishlab chiqqan O‘zbekiston davlat jahon tillari universiteti trenerlar guruhi bilan tanishtirib o‘tdi. Ushbu onlayn seminarda trenerlar guruhi navbati bilan o‘z taqdimotlarini o‘tkazishdi.
Ushbu onlayn seminar ZOOM dasturi orqali 2 kun davomida 3-4 sentabr kunlari o‘tkazilishi rejalashtirilgan.
