Abdulla Qodiriy nomli Jizzax davlat pedagogika universiteti madaniyat saroiyida bo‘lib o‘tgan yig‘ilish ana shunday nomlandi
Yig‘ilishda viloyat huquq tartibot idoralari vakillari, Jizzax shaxar soliq inspeksiyasidan ma’sular, oliygohning yoshlar masalalari bo’yicha dekan o’rinbosarlari, tyutorlar ishtirok etishdi.
Talabalar orasida huqubuzarlikni sodir etish sabablari hamda uni sodir etishga olib keluvchi shart-sharoitlarni bartaraf etish tahliliga bag‘ishlangan yig‘ilishni Yoshlar masalalari va ma’naviy-ma’rifiy ishlar bo’yicha birinchi prorektor S.Nazarqosimov ochib berdi. U o‘z so‘zida Universitet “Odob-axloq qoidalari”ga hamda ichki tartib intizom nizomi talablariga qat’iy rioya qilish, atrofdagilarda “Universitet talabasi” degan nomga nisbatan faxr-iftixor tuyg’usini shakllantirish har bir talabaning burchi ekanligini, universitetda sog’lom muhitni shakllantirish, uning nufuzi hamda obro’-e’tiborini asrab-avaylash lozimligini ta’kidladi.
Afsuslar bo‘lsinki bugun ayrim talabalar bu qoidalarga rioya qilmaydi, ayrim huquqiy savodxonligi past talabalar tufayli huqubuzarlik va jinoyatlar sodir etilmoqda. Vaholanki, universitetimizda talabalar bo’sh vaqtini mazmunli o’tkazishi uchun 97 ta ijodiy va fan to’garaklari, turli klublar faoliyat yuritib kelmoqda. Turli tanlovlar va festivallar ham shular jumlasidandir. Shunga qaramay universitet talabalari tomonidan bir nechta jinoyat va huquqbuzarliklar sodir etilgan. Bu albatta jamoa uchun achinarli holatlardan biridir. Yig‘ilishda so‘z olganlar bugun talaba yoshlarni bilib-bilmay ko‘p pul mablag‘iga ega bo‘laman degan umidda tuzoqqa ilinmasliklarini, doim ogoh bo‘lishi lozimligini ta’kidlashdi. Shuningdek xakerlar tomonidan ishlab chiqilgan turli xil dasturlar va ilovalarga aldanib plastik kartochkadagi pullarning yechib olinayotganiligi Bu holat bo‘yicha ham talabalarga tushuntirish ishlari olib borish lozimligini ta’kidlashdi.
Tadbir so‘ngida ishtirokchilar Huquqbuzarlikka moyil talabalar va ularning ota-onalari bilan muntazam ravishda tushuntirish ishlari olib borishga, talabalarini odob-axloq qoidalari bilan tanishtirish orqali nazoratini kuchaytirishga, soha mutaxassislarini jalb qilgan holda doimiy ravishda davra suhbatlari tashkil qilishga kelishib olishdi.
