Talabalar turar joyiga tashrif
O‘zbekiston Respublikasi Prezidenti tomonidan ilgari surilgan 5 ta muhim tashabbus doirasida, talaba-yoshlarning darsdan bo‘sh vaqtini samarali tashkil etish, ular bilan yaqindan tanishish maqsadida institutning barcha fakultet ma’naviy-ma’rifiy ishlar bo‘yicha zam dekanlari, Xotin qizlar kengashi a’zolari 2-sonli talabalar turar joyida bo‘lishdi.
Ochiq muloqot tarzida o‘tkazilgan suhbat davomida talabalarning yashash sharoitlari, ularga yaratilgan imkoniyatlar bilan ham tanishildi. Shundan so‘ngi turli ma’naviy ma’rifiy tadbirlar o‘tkazildi. Jumladan talaba qizlar o‘rtasida an’anaviy “Balli qizlar”, “Kitobxonlik” tanlovlari hamda sport musobaqalari o‘tkazildi. Tadbir yakunida g‘olib bo‘lgan talabalarga “Eng namunali talaba”, “Eng pazanda talaba qiz”, “Eng chaqqon talaba”, “Sportchi talabalar”, “Faol talaba” kabi nominatsiyalari berish bilan bir qatorda faxriy yorliqlar va estalik sovg‘alari topshirildi.
