Ta’lim yo’nalishlari va mutaxassisliklari: Boshlang’ich ta’lim, Boshlang’ich ta’lim va STI

Kafedra mutaxassislik fanlari: Ona tili o’qitish metodikasi, Matematika o’qitishning umumiy metodikasi, Matematika o’qitish metodikasi, Texnologiya va uni o’qitish metodikasi, Tabiatshunoslik va uni o’qitish metodikasi, Boshlang’ich ta’lim pedagogikasi, innovatsiya va integratsiyasi, Pedagogik mahorat, Tarbiyaviy ishlar metodikasi, O’qish savodxonligi va xusnixat o’qitish metodikasi.

Boshlang’ich ta’lim metodikasi kafedrasi tarixi: Jizzaxdagi to’ng’ich oliy o’quv yurti – Abdulla Qodiriy nomidagi Jizzax davlat pedagogika instituti 1974 yilning sentyabridan o’z faoliyatini boshlagan bo’lsa, bir yildan so’ng Boshlang’ich ta’lim uslubiyati kafedrasi tashkil etilgan. Yangi ochilgan bu kafedra dastlab «Boshlang’ich ta’lim uslubiyati», «Pedagogika» va “Boshlang’ich ta’lim pedagogikasi” fakultetining asosiy kafedralaridan biri sifatida faoliyat ko’rsatib kelgan. Kafedraga 1975-80 yillarda (dotsent O.Jo’raev), 1980-1999 yillarda (dotsent M.Mamayusupov), 1999-2005 yillarda (pedagogika fanlari nomzodi, dotsent A.K.Suvonqulov), 2005-2017 yilgacha professor U.A.Jumanazarov rahbarlik qildi. 2018-2019 o’quv yilidan kafedra Institut ilmiy kengashi qarori bilan Boshlang’ich ta’lim nazariyasi va amaliyoti va Boshlang’ich ta’lim metodikasi kafedralariga ajraldi. 2018 yil sentyabr oyidan boshlab “Boshlang’ich ta’lim metodikasi” kafedrasiga f.f.n., dotsent F.Ibragimova rahbarlik qilib keldi. 2019 yildan “Boshlang’ich ta’lim metodikasi” kafedrasiga p.f.n., dotsent G.A.Xolboeva boshqarib kelmoqda. Hozirgi kunda kafedrada 6 nafar fan nomzodlari, 3 nafar dotsentlar (G.A.Xolboeva, A.N.Usmonov, A.J.Tangirov, M.T.Rabbimov, D.R.Farsaxonova, G.T.Quttibekova, katta o’qituvchilar (X.Shukurova, S.Mamayusupova, o’qituvchilar (D.Ismoilova, D.Xaydarov, SH.Ataboev, G’.Eshmirzaev, F.Yo’ldoshev, N.Xaitova, O.Boltaev, stajyor-o’qituvchilar (Sh.Eshonqulova, M,Doniyorov, D.Abduraxmonova)lar faoliyat yuritib kelmoqdalar.

Boshlang’ich ta’lim metodikasi kafedrasi hamkorlik faoliyati: Barten universiteti (Turkiya), Muxtor Avezov nomidagi Janubiy Qozog’iston davlat universiteti kabi xorijiy OTMlar bilan hamkorlik aloqalarini yo’lga qo’yilgan. Xususan, ayni paytda Muxtor Avezov nomidagi Janubiy Qozog’iston davlat universiteti (2021 yil mart) bilan shartnomalar imzolangan bo’lib o’quv va ilmiy-uslubiy yo’nalishlarda hamkorlik aloqalari va akademik almashinuvi yo’lga qo’yilgan. 2022 yil mart-iyun oylari) Muxtor Avezov nomidagi Janubiy Qozog’iston davlat universiteti professori: Joldasbekova Saule Abrazaxovna tomonidan 20 soat onlayn ma’ruza tashkil etilgan.