Fakultet 1974-yili tashkil etilgan. Fakultetda 57 nafar professor-o’qituvchi faoliyat ko’rsatmoqda. Ulardan 1 nafar fan doktori, 8 nafar fan nomzodi, 6 nafar dotsent ishlab kelmoqda. Fakultetda hozirgi kunda 985 ta bakalavr, 28 nafar magistr tahsil olmoqda.

Fakultet professor va o’qituvchilar tomonidan 5 ta darslik, 12 ta o’quv qo’llanma, 10 ta monografiyalarni nashrdan chiqargan hamda 8 ta patent qo’lga kiritgan. Fizika va texnologik ta’lim fakultetida “Tikuvchilik va dizayn”, “Pazandalik”, “Mohir qo’llar”, “Yosh rassomlar», «Ranglar jilosi», «Nafis san’at», “Yosh musavvirlar”, “Fizika fani olimpiadachilari ”, “Kyure qizlari” (to’garak a’zolari 10 dan ortiq ilmiy maqolalari bilan konferensiyalarda ishtirok etishgan) kabi to’garaklar mavjud. Ta’lim yo’nalishida yoshlar ma’naviyatini yuksaltirish va ularni bo’sh vaqtlarini mazmunli o’tkazishni tashkil etish yuzasidan fakultetda muntazam ravishda ota-onalar bilan suhbat tashkillashtiriladi. Talabalar ijtimoiy holati bo’yicha so’rovnomalar o’tkazilib kelinmoqda. 19.04.2022-yil sanasida xotin-qizlar uchun alohida “Qizlarda muomala madaniyati” mavzularida davra suhbatlari uyushtirildi.

Shu kungacha fakultet talabalari ko’plab yutuqlarga erishib kelmoqda. 1 nafar Abdaminov Abror O’zbekiston bakalavrlari uchun ta’sis etilgan “Islom Karimov” nomidagi davlat stipendiyasi sohibi, dizayn yo’nalishi 2-bosqich talabasi Rahmatova Shahlo “NAFOSAT-2021” – ko’rik tanlovi Respublika bosqichida g’olib, Begimqulova Navbahor «WorldSkills Uzbekistan – 2022» Ishchi kasblari bo’yicha milliy chempionatda 1-o’rinni egalladi.