Informatika va uni o’qitish metodikasi kafedrasi haqida Kafedra 1987-yilda tashkil topgan. Kafedra 2005 yilga qadar “Informatika va hisoblash texnikasi asoslari”, 2005 yildan 2015 yilga qadar “Informatika va xborot texnologiyasi” 2015 yildan boshlab “Informatika va uni o’qitish metodikasi” nomi bilan yuritib kelinmoqda Kafedrani hozirgi kunda texnika fanlari nomzodi, dotsent R.M. Yusupov boshqarib kelmoqda. Kafedrada 17 nafar professor-o’qituvchi faoliyat yuritmoqda. Ulardan 8 nafari ilmiy darajali, 2 nafari katta o’qituvchi, 7 nafari o’qituvchi. Kafedrada so’ngi 3 yil davomida 4 nafar o’qituvchi nomzodlik dissertatsiyasini himoya qildi. Kafedra a’zolari tomonidan keyingi 3 yil davomida 3 ta ilmiy monografiya, 5 ta o’quv qo’llanma, 25 ga yaqin uslubiy qo’llanma va tavsiyanomalar, xorij va OAK nashrlarida xamda Respublika ilmiy jurnallarida 60 ga yaqin, Respublika miqyosida o’tkazilgan 20 dan ortiq ilmiy-nazariy, ilmiy-amaliy konferensiyalar to’plamlarida 80 dan ortiq ilmiy-uslubiy maqolalar chop etilgan. Kafedra asosan “Matematika va informatika” hamda “Informatika o’qitish metodikasi” tbakalavriat ta’lim yo’nalishlariga umumkasbiy va ixtisosliklar fanlari o’qitilib kelinmoqda. Kafedrada “Yosh dasturchilar” fan to’garaklar faoliyat ko’rsatib kelmoqda. 2021-yilda kafedra professor-o’qituvchilari tomonidan xalqaro ilmiy jurnallarda jami 27 ta, Respublika ilmiy jurnallarda 20 ta, xalqaro konferensiyalarda 19 ta, respublika ilmiy seminarlarda 21 ta , OTM konferensiyasida 14 ta ilmiy maqola chop etildi. O’zbekiston respublikasi Intellektual mulk agentligi tomonidan 5 ta guvoxnomalar olingan. Ilmiy tadqiqot ishlari natijalari bo’yicha xalqaro platformalarda joylashtirilgan kafedra professor-o’qituvchilari ilmiy ishlariga iqtibosliklar soni jami 2892 tani tashkil etadi. Mazkur platformalarda xirsh indekslar 5 va undan yuqori bo’lgan professor o’qituvchilar soni 10 nafar. Kafedrada o’tiladigan fanlar: Informatika o’qitish metodikasi (barcha ta’lim yo’nalishlari)

Kafedraning ilmiy-tadqiqot faoliyatining ustuvor yo’nalishlari: Yurtimizda ta’lim tizimini rivojlantirishning hozirgi bosqichi mazmuni va metodikasiga, uning samaradorligini oshirishga sifat jihatdan yangi talablar qo’ymoqda. Shu talablardan kelib chiqqan holda yurtimizning ijtimoiy-iqtisodiy rivojlanishning ustuvor yo’nalishlariga hamda xalqaro standartlar talablariga mos keladigan ta’lim tizimini yaratish bo’yicha keng ko’lamli ishlar amalga oshirilmoqda. O’zbekiston Respublikasi Prezidentining 2019 yil 8 oktabrdagi “O’zbekiston Respublikasi oliy ta’lim tizimini 2030 yilgacha rivojlantirish konsepsiyasini tasdiqlash to’g’risida” gi PF-5847-sonli Farmonida, ta’lim jarayoniga zamonaviy usullarni joriy etish bo’yicha tadbirlar amalga oshish bo’yicha jumladan, raqamli iqtisodiyot uchun yuqori malakali muhandis texnik kadrlar tayyorlash tizimini tashkil etish, ta’lim jarayonlarini individuallashtirish, masofaviy ta’lim xizmatlarini rivojlantirish, vebinar, onlayn, «blended learning», «flipped classroom» texnologiyalarini amaliyotga keng joriy etish masalalariga alohida e’tibor berilgan. shuningdek, sohani malakali kadrlar bilan ta’minlashni ko’zda tutuvchi ustuvor loyihalarni amalga oshirish ishlari bajarilmoqda. O’zbekiston Respublikasi Prezidentining 2019 yil 8-oktabrdagi “O’zbekiston Respublikasi Oliy ta’lim tizimini 2030 yilgacha rivojlantirish konsepsiyasini tasdiqlash to’g’risida” gi PF-5847-son Farmoni shuningdek, mazkur faoliyatga tegishli boshqa me’yoriy-huquqiy hujjatlarda belgilangan vazifalarni amalga oshirishda muayyan darajada xizmat qiladi.