Fanining maqsadi — bo’lajak kimyo o’qituvchilariga kimyoda eng muhim bo’lgan asosiy nazariy qonuniyatlarni chuqur o’rgatish, Davlat ta’lim standarti hamda malaka talabalariga javob beradigan bilimlar berish, har bir mavzuga oid Respublikaning tabiiy zaxiralari va ulardan mahsulotlar ishlab chiqarishni bayon etish orqali o’qitishning ta’limiy va tarbiyaviy ahamiyatini ko’rsatib berish, maktab, akademik litsey va kasb-hunar kollejlari kimyo kurslariga bog’liq bo’lgan masalalarni chuqur yoritish orqali kasbga yo’naltirishni amalga oshrishdan iborat.

Fanining vazifasi — talabalardan Kadrlar tayyorlash milliy dasturi asosida shuningdek, umumiy kimyo fanining eksperiment o’tkazish imkoniyati juda yuqori bo’lganligi uchun uni o’rganish davrida kimyoviy idishlar, kimyoviy reaktivlar, gazli va elektr qizdirish vositalari bilan ishlay olish, zamonaviy tarozilarda tortish, turli laboratoriya tajribalarini o’tkaza bilish, shisha naylar va idishlar yordamida turli tajribalar o’tkazish, qurilmalarini yasay bilish, o’quv adabiyotlarini tahlil qila olish, kimyoviy formula va tenglamalar bilan hisoblashlar o’tkazish ko’nikma va malakalariga ega bo’lish talab etiladi.

Fan yakunida talaba qanday bilim va ko’nikmalarga ega bo’ladi?

• – umumiy kimyo fanining shakllanishi va rivojlanishining tarixiy bosqichlari;
• – kimyo fanlarining keyingi yutuqlari;
• – kimyoning nazariy masalalari to’g’risida, jumladan atom va molekulalar tuzilishining kvant mexanik talqini;
• – kimyoviy bog’lanish to’g’risidagi tassavurning rivojlanishi va umumiy tavsifi;
• – kimyoviy termodinamika, kimyoviy jarayonlarining kinetik va termodinamik qonuniyatlari;
• – oksidlanish-qaytarilish reaksiyalari va elektroliz qonunlari;
• – elektrolitik dissotsilanish nazariyasi va gidroliz jarayonlari;
• – organik kimyoga kirish va uning asosiy xususiyatlari bilimga;
• – D.I.Mendeleyev davriy sistemasi, asosiy va qo’shimcha guruhi elementlari oddiy va murakkab moddalarining tuzilishi,
• – olinishi va xossalari;
• – atom va molekulalar tuzilishining kvant mexanik nazariyalariga oid bilimlar va ularni amaliy masalalarni hal qilish;
• – D.I.Mendeleyev davriy sistemasidagi asosiy va qo’shimcha guruh elementlari oddiy va murakkab moddalarining tuzilishi, olinishi va xossalari ko’nikma;
• – kimyoning nazariy bilimlarini qo’llash yordamida ekologiyaning asosiy muammolarini to’g’ri hal qilish;
• – umumiy kimyo fanining jamiyatdagi munosib o’rnini aniqlash;
• – olgan nazariy bilimlarini amalda, ya’ni laboratoriya ishlarini bajarsh;
• – olingan moddalardan unumli foydalanish malakasiga ega bo’lishi kerak.