III. Universitetning talabalari, tinglovchilari va izlanuvchilari

• a) Talabalar:
• 11. Muassasada talabalarni qabul qilish O’zbekiston Respublikasi ta’lim muassasalariga o’qishga qabul qilish bo’yicha Davlat komissiyasi tomonidan kirish imtihonlari (test sinovlari, kasbiy (ijodiy) imtihon, yozma imtihon) natijalariga ko’ra to’plangan ballarning reyting tizimi bo’yicha amalga oshiriladi. Universitetga qabul barcha uchun (grant, to’lov-kontrakt bo’yicha) teng huquqlilik, yagona qabul qoidalari va yagona tanlov asosida amalga oshirilib, test sinovlari va kasbiy (ijodiy) imtihonlarda eng yuqori ball to’plagan abiturientlarning davlat grantlari bo’yicha birinchi navbatda qabul qilinish huquqi ta’minlanadi. Qolgan abiturientlar test ballari ketma-ketligi asosida belgilangan to’lov-kontrakt kvotalari doirasida qabul qilinish huquqiga egadirlar. Qonunchilikka muvofiq test sinovlarisiz muayyan imtiyoz asosida ham o’qishga qabul qilish o’rnatilgan tartibda amalga oshiriladi. Xorijiy fuqarolarni o’qishga qabul qilish amaldagi qonunchilikka binoan amalga oshiriladi. Vazirlar Mahkamasining 2021 yil 24 sentabrdagi 606-son qarori bilan tasdiqlangan O’zbekiston Respublikasi oliy ta’lim muassasalarida ikkinchi va undan keyingi ta’limni olish tartibi to’g’risidagi Nizomga muvofiq oliy ma’lumotga ega bo’lgan shaxslar Universitetga ikkinchi va undan keyingi oliy ma’lumot olish uchun to’lov-kontrakt (shartnoma) asosida o’qishga qabul qilinishlari mumkin.Ikkinchi va undan keyingi oliy ma’lumot olish uchun abiturientlar qabulini Universitet qabul komissiyasi amalga oshiradi. Qo’shma ta’lim dasturlari asosida kirish sinovlarini muvaffaqiyatli topshirgan hamda to’lov-kontrakt kvotalari doirasida to’lov-kontrakt shartlarini bajargan abiturientlar o’qishga qabul qilinish huquqiga egadirlar. Universitet rektorining buyrug’i bilan o’qishga qaul qilingan shaxs muassasaning talabasi hisoblanadi.

14. Universitet hududida talabalarga quyidagilar ta’qiqlanadi:

• alkogol va tamaki mahsulotlarini tarqatish va iste’mol qilish;
• milliy, irqiy, diniy adovatni targ’ib qiluvchi har qanday shakldagi materiallarni tayyorlash, saqlash, tarqatish va targ’ib qilish;
• Universitet binolari va hududidagi moddiy-texnik, boshqa mol-mulkka zarar yetkazish;
• o’qish vaqtida Universitet ma’muriyati ruxsatisiz chet el davlatlariga borish.

• 15. O’qish davrida o’quv va ilmiy-tadqiqot faoliyatida yuqori ko’rsatkichlarga ega bo’lgan talabalar Universitetning budjetdan tashqari mablag’lari, shuningdek, xalqaro va xorijiy tashkilotlar grantlari hisobiga hamda Universitetning xorijiy hamkorlari bilan shartnomalari asosida yetakchi xorijiy talim muassasalariga talabalarning akademik almashinuvi doirasida o’qishga yuborilishi mumkin. Talabalarning akademik almashinuvini taminlash bo’yicha yetakchi xorijiy talim muassasalari bilan hamkorlikni mustahkamlash maqsadida Universitetda xorijiy mamlakatlarning talabalari ham o’z o’qishini davom ettirishi mumkin.
• 16. Davlat grantlari bo’yicha va stipendiyali to’lov-kontrakt asosida o’qitishning ishlab chiqarishdan ajralgan holdagi shaklida ta’lim olayotgan talabalar O’zbekiston Respublikasi Vazirlar Mahkamasi tomonidan belgilangan tartib va miqdorda stipendiya bilan ta’minlanadilar (xorijiy talabalar bundan mustasno).Talabalar tegishli normativ-huquqiy hujjatlarga asosan O’zbekiston Respublikasi Prezidenti va nomli davlat stipendiyalari va Universitetning maxsus stipendiyalarini olish huquqiga egadirlar.
• 17. Universitet talabalariga harbiy xizmatni o’tash, salomatligini tiklash, homiladorlik va tug’ish, shuningdek bolalarni parvarish qilish, oilasining betob a’zosini (otasi, onasi yoki ularning o’rnini bosuvchi shaxslar, turmush o’rtog’i, farzandi) parvarish qilish uchun akademik ta’til berilishi mumkin. Ushbu ta’tilni berish tartib-qoidalari Vazirlar Mahkamasining 2021 yil 3-iyundagi 344-sonli qarori bilan tasdiqlangan O’zbekiston Respublikasi oliy ta’lim muassasalari talabalariga akademik ta’til berish to’g’risidagi Nizomda belgilangan.
• 18. O’zbekiston Respublikasi qonun hujjatlariga muvofiq kunduzgi o’quv shaklida ta’lim olayotgan talabalarga oliy ta’lim muassasasida o’qish davomida harbiy xizmatga chaqirish muddatini kechiktirish imkoni beriladi.
• 19. Universitetning talabalar turar joyi sig’imidan kelib chiqqan holda muhtoj talabalar, Universitet talabalar turar joylaridan sanitariya me’yorlari va qoidalariga javob beradigan joy bilan ta’minlanadi. Talabalar turar joyi uchun to’lov talabalar turar joylarida kommunal-maishiy xizmatlar uchun to’lovlarni inobatga olib, Universitet Kengashi tomonidan belgilanadi. Turar joyga muhtoj talabalar mavjud bo’lgan holda, oliy ta’lim muassasasining talabalar turar joylari maydonidan boshqa maqsadlarda foydalanish (ijaraga berish, boshqa kelishuvlar)ga ruxsat etilmaydi.
• 20. Universitetdan chetlashtirilgan talaba Vazirlar Mahkamasi tomonidan belgilangan talabalar o’qishini ko’chirish, qayta tiklash va o’qishdan chetlashtirish tartibi va qoidalari asosida qayta o’qishga tiklanish huquqiga ega. Universitetning talabalari belgilangan tartib va qoidalar asosida boshqa oliy ta’lim muassasalariga o’qishlarini ko’chirish (o’qishga qayta tiklanish) huquqiga ega. O’zbekiston Respublikasi hududida ta’lim faoliyatini olib borish uchun litsenziyaga ega bo’lmagan nodavlat oliy ta’lim muassasalari va boshqa mamlakatlar oliy ta’lim muassasalarining filiallari (markazlar, bo’limlar, o’quv-maslahat punktlari va boshqalar)dan talabalarni Universitetga o’qishini ko’chirish (o’qishga tiklash) taqiqlanadi. Talabalar o’qishini bir oliy ta’lim muassasasidan boshqasiga ko’chirish, qayta tiklash va o’qishdan chetlashtirish tartibi va qoidalari O’zbekiston Respublikasi Vazirlar Mahkamasi tomonidan belgilanadi.
• 21. O’zbekiston Respublikasi Hukumati qarorlarida nazarda tutilgan hollardan tashqari, talabalarni o’qish vaqti hisobidan ta’lim jarayoni bilan bog’liq bo’lmagan ishlarga jalb etish man etiladi.
• 22. Talaba o’ziga yuklatilgan majburiyatlarni buzgan taqdirda unga nisbatan hayfsan va talabalar safidan chetlashtirish intizomiy jazo choralari qo’llaniladi.

33. Professor-o’qituvchilar va ilmiy xodimlarining majburiyatlari quyidagilardan iborat:

• ta’lim to’g’risidagi qonunchilik, mehnat va texnologiya intizomi, Universitet Ustavi, Ichki mehnat tartibi qoidalari, Odob-axloq kodeksi va korrupsiyaga qarshi kurashish dasturiga qat’iy rioya qilish;
• o’zining xizmat vazifalarini vijdonan bajarish va o’qituvchilik sha’niga dog’ tushirmaslik;
• ish jarayonida muloqot qiladigan muassasa xodimlari, talabalari va boshqa shaxslar bilan xushfe’l munosabatda bo’lish;
• ish beruvchining qonuniy farmoyishlarini bajarish, har yili tasdiqlanadigan shaxsiy reja asosida o’quv-uslubiy, ilmiy va ma’naviy-ma’rifiy ishlarni o’z vaqtida va sifatli bajarish, xususan: – o’quv yuklamalari hajmini, o’quv-uslubiy, ilmiy, o’quv-tashkiliy ishlarni tasdiqlangan shaxsiy – reja asosida bajarish va ma’naviy-ma’rifiy ishlarda ishtirok etish;
• ilmiy-tadqiqot natijalari bo’yicha darslik, o’quv qo’llanma tayyorlash, o’quv adabiyot, ilmiy maqolalar, monografiyalar yozish, ixtiro uchun patent, axborot-kommunikatsiya texnologiyalari uchun dasturiy mahsulotlarga guvohnomalar olish;
• ta’lim, fan va ishlab chiqarishning samarali integratsiyasini ta’minlashda qatnashish, talabalarning ilmiy-tadqiqot ishlariga rahbarlik qilish;
• tarbiyaviy ishlarni olib borish, talabalar bilan ma’naviy-ma’rifiy ishlarda bevosita ishtirok etish, shu jumladan darsdan tashqari vaqtlarda o’tkaziladigan tadbirlarda qatnashish;
• Universitet kengashi tomonidan tasdiqlangan kafedrada bajariladigan ilmiy mavzularda ishtirok etish;
• o’z malakasini muntazam ravishda oshirish;
• mehnatni muhofaza qilish, xavfsizlik texnikasi va ishlab chiqarish sanitariyasiga doir qoidalariga rioya qilish;
• Universitetning mol-mulkini avaylash, undan oqilona foydalanish;
• ish beruvchiga bevosita o’zining aybi bilan yetkazilgan haqiqiy moddiy zararni qoplash;
• Universitet jamoatchilik ishlarida qatnashish;
• pedagogik va ilmiy jarayonning samaradorligini ta’minlash;
• zamonaviy sivilizatsiya va demokratiya sharoitida ta’lim oluvchilarning tanlagan yo’nalishi (mutaxassisligi) bo’yicha yuksak kasbiy tayyorgarlikni, mehnatga bo’lgan qobiliyatni shakllantirish;
• chet tili va axborot texnologiyalaridan savodxonligini oshirib borish asosida kamida bir yoki ikkita xorijiy tilni bilishi;
• ta’lim oluvchilarda mustaqil fikrlash, tashabbuskorlik, tizimli tahlil qilish va ijodiy fikrlash qobiliyatni shakllantirish;
• «Ustoz-shogird» tizimida ishtirok etib, o’ziga biriktirilgan shogirdlar bilan ilmiy, ma’naviy-ma’rifiy, tarbiyaviy ishlarni amalga oshirish;
• o’zining odobi, madaniyati, ma’naviy saviyasi bilan o’rnak bo’lish;
• kiyinish madaniyatiga rioya etish;
• tasdiqlangan Jizzax davlat pedagogika Universiteti ichki tartib qoidalariga so’zsiz rioya qilish;
• respublikada amalga oshirilayotgan islohotlar va jahonda ro’y berayotgan yangiliklardan xabardor bo’lish;
• Universitet, fakultet, kafedra tomonidan tashkil etiladigan madaniy, ma’naviy, ma’rifiy tadbirlarda faol ishtirok etish;
• o’zi o’qitadigan fan dasturini muntazam fan va texnika yutuqlari asosida boyitib borish;
• darslarni yuqori saviyada o’tish;
• fan yo’nalishiga tegishli yangi manbalarni topish va ular bilan talabalarni tanishtirib borish;
• har o’quv yili boshlangunga qadar, o’zi o’qitadigan fan(lar)ning ishchi o’quv dasturi, kalendar rejasi va reyting nazoratlari jadvalini ishlab chiqish va kafedra majlisida tasdiqlatish;
• reyting tadbirlarini o’z vaqtida o’tkazish;
• talabalar bilimini xolisona baholash;
• yangi pedagogik texnologiyalarni dars jarayonida qo’llash;
• ilmiy salohiyat va pedagogik mahoratini oshirish;
• talabalar ilmiy-tadqiqot ishlariga rahbarlik qilish;
• o’zining mutaxassisligi bo’yicha ishlab chiqarish korxonasi va muassasalarda mavjud muammolar haqida ma’lumot va tasavvurlarga ega bo’lishi hamda ishlab chiqarish jarayonida mavjud muammolarning yechimiga oid tadqiqot mavzusiga ega bo’lishi;
• olib borayotgan tadqiqot mavzusi asosida o’z yoki ham mualliflikdagi ishlanma va texnologiyalarga ega bo’lishi;
• respublika ilmiy jurnallarini Scopus, Web of Science, Science direct, Thomson reuters kabi xalqaro ilmiy-texnik ma’lumotlar bazalarida maqolalar chop etib borish;
• mutaxassisligi bo’yicha tayanch oliy ta’lim muassasalari va ishlab chiqarish korxonalarida tegishli muddatlarda malaka oshirib borishi yoki stajirovkadan o’tishi;
• oliy ta’lim tizimida amalga oshirilayotgan islohotlarda faol qatnashish.

34. Universitet professor-o’qituvchilari va xodimlarining chet el xizmat safarlari xarajatlari Moliya vazirining 2015-yil 19-oktabrdagi 92-son buyrug’i bilan tasdiqlangan «Vazirliklar, idoralar, korxonalar va tashkilotlar xodimlarining xizmat safarlarida xorijiy valyutadagi xizmat safari xarajatlari me’yorlari asosida amalga oshiriladi. 35. Universitetning professor-o’qituvchilari tarkibi uch yilda kamida bir marotaba malakasini oshirish kafolatini ta’minlaydi. 36. Universitetning ma’muriy-xo’jalik, muhandislik-texnika, o’quv-yordamchi va boshqa xizmat xodimlarining huquq va majburiyatlari universitetning Ichki mehnat tartibi qoidalari, Odob-axloq kodeksi, korrupsiyaga qarshi kurashish dasturi va lavozim yo’riqnomalari bilan belgilanadi.

IV. O’quv-tarbiyaviy va ilmiy-metodik ishlar

37. Universitet quyidagi yo’nalish va mutaxassisliklar bo’yicha ta’lim dasturlari asosida quyidagi ta’lim turlarini o’qitishni amalga oshiradi:

• oliy ta’lim;
• oliy o’quv yurtidan keyingi ta’lim;
• qo’shimcha ta’lim (kadrlarni qayta tayyorlash va malakasini oshirish).

49. Universitet huzurida yuridik shaxs maqomiga va mustaqil balansga ega bo’lgan quyidagi tashkiliy tuzilmalar Mirzacho’l agrosanoat texnikumi, G’allaorol xizmat ko’rsatish va servis texnikumi va Akademik litsey faoliyat yuritadi.

VI. Universitetni boshqarish

50. Universitetni boshqarish O’zbekiston Respublikasining amaldagi qonunchiligi hamda ushbu Ustavga muvofiq yakka rahbarlik va oliy ta’lim muassasasining Kengashi orqali jamoatchilik boshqaruvini uyg’unlashtirish tamoyili asosida amalga oshiriladi.

51. Jizzax davlat pedagogika Universitetini bevosita boshqarish O’zbekiston Respublikasi Prezidentining 2019 yil 11 iyuldagi PQ-4391-sonli qaroriga muvofiq O’zbekiston Respublikasi oliy va o’rta maxsus ta’lim vazirining tavsiyasiga ko’ra O’zbekiston Respublikasi Prezidenti Administratsiyasi bilan kelishilgan holda Vazirlar Mahkamasi tomonidan lavozimga tayinlanadigan va lavozimdan ozod etiladigan Universitet rektori tomonidan amalga oshiriladi. Rektor oliy ta’lim muassasasi faoliyatiga, shuningdek, Universitetning Ustavi, Ish reglamenti, Ichki mehnat tartibi qoidalari va odob-axloq kodeksi, Oliy ta’lim to’g’risidagi Nizom hamda mazkur Ustavda belgilangan majburiyatlar uchun to’la mas’uldir. Rektor O’zbekiston Respublikasi amaldagi qonunchiligiga ko’ra, Universitet nomidan ishonchnomasiz ish olib boradi, barcha idoralar, muassasalar, korxonalarda uning vakili sifatida qatnashadi, Universitetning mol-mulkiga mas’ullik qiladi, shartnomalar tuzadi, ishonchnomalar beradi, bank muassasalarida oliy ta’lim muassasasi-Universitetning hisob raqamlarini ochadi, moliyaviy mablag’lardan o’rnatilgan tartibda foydalanish bo’yicha farmoyishlar beradi.

Universitet rektori vakolati doirasida:

• Universitetning professor-o’qituvchilari, barcha xodimlari, talabalari va boshqa ta’lim olayotganlar uchun majburiy bo’lgan buyruqlar chiqaradi va topshiriqlar beradi;
• fakultet dekanlari, bo’lim va boshqarma boshliqlari, bosh hisobchini lavozimiga tayinlaydi hamda lavozimdan ozod qiladi va ularning muayyan vazifalari, mas’uliyatlarini belgilaydi;
• texnikumlar faoliyatidagi ishning tashkil etilishi ustidan o’z yo’nalishlari bo’yicha prorektorlar kuratorligi-rahbarligi vazifalarini belgilaydi;
• Universitet prorektorlari lavozimiga nomzodlarni tavsiya etadi va prorektorlar, dekanlarning muayyan vazifalari xamda mas’uliyatlarini belgilaydi;
• Universitet xodimlari bilan O’zbekiston Respublikasi mehnat qonunchiligi va Vazirlar Mahkamasi tomonidan belgilangan tartibda mehnat shartnomalarini tuzadi va bekor qiladi;
• Universitet tarkibiga kirgan ilmiy tadqiqot, tajriba-eksperimental hamda boshqa tashkilot va bo’linmalarning vazifalarini belgilaydi, ular to’g’risidagi nizomlarni tasdiqlaydi;
• Universitet xodimlarining lavozim maoshlariga ustamalar va qo’shimchalarni o’rnatilgan tartibda belgilaydi;
• kasaba uyushma qo’mitasi yoki Universitetning boshqa vakolatli organi bilan kelishgan holda Ichki mehnat tartibi qoidalari va Odob-ahloq kodeksini tasdiqlaydi;
• Universitetda Namunaviy shtat birliklariga muvofiq ajratilgan mablag’lar hamda ish haqi fondi, tasdiqlangan Universitet xodimlarining soni va lavozim maoshlari, ta’rif setkasi doirasida Universitet professor-o’qituvchilari tarkibi va Universitetning boshqa xodimlarining shtat birligini tasdiqlaydi hamda lavozim maoshlarini belgilaydi;
• Universitet Kengashining tavsiyasiga ko’ra o’rnatilgan tartibda tegishli normativ-huquqiy hujjatlarga muvofiq fakultetlarni, kafedralarni ochish yoki yopish qarorlarini tasdiqlaydi. Oliy ta’lim muassasasi kafedrasi to’g’risida namunaviy Nizom talablaridan kelib chiqqan holda Universitet Kengashining tavsiyasiga ko’ra, kafedralar tashkil etiladi yoki tugatiladi.
• O’zbekiston Respublikasi mehnat qonunchiligi hamda ta’lim jarayonini boshqarish bo’yicha qonun xujjatlariga muvofiq va vakolatli organlar tomonidan belgilangan boshqa vazifalar ijrosini ta’minlaydi.

Universitet rektoriga o’zi ishlayotgan oliy ta’lim muassasasi va undan tashqarida haq to’lanadigan boshqa rahbarlik lavozimida (ilmiy va ilmiy – metodik rahbarlikdan tashqari) o’rindoshlik bo’yicha ishlashga ruxsat etilmaydi. Rektor o’z vazifalarini o’rindoshlik bo’yicha bajarishi mumkin emas. O’zbekiston Respublikasi Prezidentining 2019 yil 11 iyuldagi «Oliy va o’rta maxsus ta’lim tizimiga boshqaruvning yangi tamoyillarini joriy etish chora-tadbirlari to’g’risida» gi PQ-4391-son qaroriga muvofiq Universitet prorektorlari rektor tavsiyasiga ko’ra Oliy va o’rta maxsus ta’lim Vaziri tomonidan lavozimga tayinlanadi va lavozimidan ozod etiladi, bunda: yoshlar masalalari va ma’naviy-ma’rifiy ishlar bo’yicha prorektor lavozimiga nomzod O’zbekiston yoshlar ittifoqi Markaziy Kengashi; ilmiy ishlar va innovatsiyalar buyicha prorektor lavozimiga nomzod O’zbekiston Respublikasi Innovatsion rivojlanish vazirligi bilan kelishiladi. Fakultet dekani Universitet rektori tomonidan lavozimga tayinlanadi va lavozimidan ozod etiladi. 52. Oliy ta’lim to’g’risidagi Nizomga muvofiq Universitet faoliyatining asosiy masalalarini ko’rish uchun Kengash tashkil etiladi. Kengash tarkibi rektorining buyrug’i bilan tasdiqlanadi. Rektor, prorektorlar lavozimiga ko’ra Kengash tarkibiga kiradi. Kengashga saylanadigan a’zolar soni rektor buyrug’i bilan belgilanadi va ular fakultet dekanlari, kafedra mudirlari, tarkibiy bo’linma rahbarlari, professor-o’qituvchilar orasidan saylanadi. Kengashning vakolati, uni saylash va faoliyat yuritish tartibi Oliy va o’rta maxsus ta’lim vazirligi tomonidan tasdiqlangan Oliy ta’lim muassasasining Kengashi to’g’risida namunaviy Nizom bilan belgilanadi.

53. Muassasada falsafa doktori (Doctor of Philosophy) va fan doktori (Doctor of Science) ilmiy darajalarini beruvchi Ilmiy kengashlar faoliyati tashkil etilishi mumkin.

VII. Jamoat tashkilotlari

54. O’zbekiston Respublikasi Prezidentining 2018-yil 5-iyundagi PQ-3775-son qaroriga muvofiq muassasada samarali jamoatchilik nazoratini joriy etish maqsadida talabalar, ota-onalar, Yoshlar ittifoqining muassasadagi faollari, kadrlar buyurtmachilari, professor-o’qituvchilar hamda fuqarolik jamiyati institutlari vakillaridan iborat tarkibda Jamoatchilik kengashi tashkil etiladi.

Jamoatchilik kengashlarining asosiy vazifalari:

• ta’lim sifati, professor-o’qituvchilarning bilimi va pedagogik mahorati, talabalarga yaratilgan shart-sharoitlar ustidan tizimli ravishda monitoring o’rnatish;
• Universitetga professor-o’qituvchilar tarkibiga ishga qabul qilinayotgan nomzodlar bo’yicha tavsiyalar berish;
• talabalarning murojaatlarini ko’rib chiqish, ularning pedagog kadrlar haqidagi fikrini to’liq o’rganish maqsadida ijtimoiy so’rovlar o’tkazish;
• Universitetdagi ta’lim jarayonini takomillashtirish bo’yicha takliflar tayyorlash va muassasaning tegishli kengashi muhokamasiga kiritish.

55. Universitetda kasaba uyushmasi va boshqa jamoatchilik tashkilotlari faoliyat ko’rsatadi. Professor-o’qituvchilar va xodimlarning mehnat huquqi va manfaatlarini himoya qilish maqsadida kasaba uyushmasi markaziy kengashi hamda ularning muassasada saylangan vakili amaldagi qonunchilik asosida o’z ish faoliyatini olib boradi.

Talabalar va xodimlar vakolatli organlarining huquqlari va ularga nisbatan oliy ta’lim muassasasi – Universitet ma’muriyatining majburiyatlari quyidagilardan iborat:

• xodimlar vakillik organlarining huquqlariga rioya qilish, ularning faoliyatiga ko’maklashish;
• xodimlarning manfaatlariga taalluqli qarorlar qabul qilishdan oldin ularning vakillik organlari bilan maslahatlashish, mehnat to’g’risidagi qonunlar va boshqa normativ xujjatlarda ko’rsatilgan hollarda esa, ularning roziligini olish;
• xodimlar vakillik organlarining takliflarini o’z vaqtida ko’rib chiqish va qabul qilingan qarorlar haqida ularga yozma ravishda asosli javob berish;
• xodimlarning vakillik organlari a’zolarini korxonaga, manfaatlari ifoda etilayotgan xodimlarning ish joylariga moneliksiz qo’yish;
• xodimlarning vakillik organlariga mehnat, Universitet faoliyati masalalariga va boshqa ijtimoiy-iqtisodiy masalalarga doir axborotni tekin berish;
• xodimlarning vakillik organlariga o’z vazifalarini bajarishlari uchun zarur sharoit yaratib berish;
• xodimlarning vakillik organlariga nisbatan mehnat to’g’risidagi qonunlar va boshqa normativ hujjatlarda nazarda tutilgan boshqa majburiyatlarni bajarish.

Amaldagi nizomlarga muvofiq Universitetda ilmiy innovatsion va ixtiyoriy jamiyat va markazlar, ilmiy-uslubiy, ilmiy-texnik kengashlar va komissiyalar, yosh olimlar kengashi va boshqalar tashkil etilishi mumkin.Rektorat va Kengash o’z faoliyatida Universitet jamoatchilik tashkilotlarining tavsiyalarini ko’rib chiqadi va o’z faoliyatlarida ularni hisobga oladi.

VIII. Universitet fakultetlari

56. Universitet fakultetlarini rektor tomonidan tayinlanadigan dekan boshqaradi. Dekan lavozimida ishlovchi shaxs mustaqil shtat lavozimida ishlovchi shaxs hisoblanadi va uning o’rindoshlik tartibida egallashga ruxsat etilmaydi. Fakultet dekani o’z faoliyatida mazkur Ustavga, «Oliy ta’lim muassasasining fakulteti to’g’risidagi Nizom»ga amal qiladi. «Oliy ta’lim muassasasining fakulteti to’g’risidagi Nizom»ga muvofiq fakultetda Kengash tashkil etilishi mumkin. Kengashning tarkibi, vakolatlari, shakllantirish va faoliyatining tartibi «Oliy ta’lim muassasasi fakultetining Kengashi to’g’risida»gi Nizom bilan belgilanadi. Kafedra faoliyatiga Vazirlar Mahkamasi tomonidan tasdiqlangan Nizomga muvofiq tanlov asosida Universitetning Kengashi tomonidan saylanadigan mudir rahbarlik qiladi. Kafedra mudirining vakolatlari va kafedra faoliyatiniig tartibi «Oliy ta’lim muassasasining kafedrasi to’g’risidagi Nizom» bilan belgilanadi.

IX. Moliya-xo’jalik faoliyati va moddiy-texnik baza

57. Universitetga «Ta’lim to’g’risida»gi qonun va ushbu Ustavda nazarda tutilgan faoliyatni amalga oshirish maqsadida muddatsiz foydalanish sharti bilan davlat tomonidan binolar, inshootlar, mulkiy majmualar, shuningdek iste’mol, ijtimoiy, madaniy va boshqa maqsadlar uchun zarur bo’lgan mulklar tegishli hujjatlar rasmiylashtirilgan holda belgilangan tartibda biriktirilgan. Universitet mustaqil balans yuritadi va asosiy vositalariga egalik qiladi. O’zbekiston Respublikasi Prezidentining 2017 yil 20 apreldagi «Oliy ta’lim tizimini yanada rivojlantirish chora-tadbirlari to’g’risida»gi PQ-2909-son qaroriga asosan oliy ta’lim muassasalari ixtiyoridagi yer maydonlarini tasarruf etish O’zbekiston Respublikasi Vazirlar Mahkamasining qarorlari asosida amalga oshiriladi. Universitetga ajratilgan yer uchastkalari muddatsiz va beg’araz (tekin) foydalanish uchun biriktirilgan. 58. Universitetga jismoniy va yuridik shaxslardan sovg’a, hadya yoki vasiyat bo’yicha berilgan pul mablag’lari, mol-mulk va boshqa mulkiy ob’ektlarga, Universitet faoliyatining samarasi hisoblangan intellektual mulk va ijodiy mahsulotlarga, shuningdek o’z faoliyati orqali oladigan daromadlar va bu daromadlar hisobidan sotib olinadigan mulkiy ob’ektlarga egalik qilish huquqi berilgan. 59. Universitet mol-mulkni ijaraga oluvchi va mol-mulkni ijaraga beruvchi sifatida faoliyat ko’rsatish huquqiga ega. O’zbekiston Respublikasining Fuqarolik kodeksi va O’zbekiston Respublikasi Vazirlar Mahkamasining 2009 yil 08 apreldagi 102-sonli qarori bilan tasdiqlangan «Davlat mulkini ijaraga berish tartibi to’g’risida»gi Nizomga muvofiq Universitet o’zi egalik qiladigan ijaraga berilishi qonun xujjatlariga zid bo’lmagan binolar, inshootlar va ularning qismlari, asbob-uskunalar, transport vositalari va boshqa mol-mulklarni tasarruf etish huquqisiz, belgilangan narxlar bo’yicha ijaraga berishi mumkin. Ijara haqi sifatida olingan mablag’larning tegishli qismi Universitetning moddiy-texnik bazasini rivojlantirish uchun foydalaniladi.

Quyidagilar Universitet faoliyatini moliyalashtirish manbalari hisoblanadi:

• O’zbekiston Respublikasi Davlat budjeti mablag’lari;
• bakalavriat va magistratura talabalarini to’lov-kontrakt shakli asosida o’qitishdan tushadigan mablag’lar;
• xorijiy fuqarolarni to’lov-kontrakt shakli asosida o’qitishdan Universitet valyuta hisob raqamiga tushadigan xorijiy valyuta mablag’lari;
• Budjet tashkilotini rivojlantirish jamg’armasi mablag’lari;
• O’zbekiston Respublikasi Innovatsion rivojlanish vazirligi tomonidan davlat ilmiy-texnikaviy dasturlari doirasida o’tkaziladigan grant tanlovlari natijalari bo’yicha fundamental, amaliy va innovatsion tadqiqotlar uchun ajratiladigan mablag’lar;
• pullik kurslarni tashkil etish va boshqa turdagi xizmatlarni ko’rsatishdan tushadigan barcha mablag’lar;
• xalqaro moliya tashkilotlarining grantlari;
• jismoniy va yuridik shaxslarning xayriya ehsonlari va maqsadli badallari;
• Universitet faoliyatida amalga oshirilgan ilmiy, o’quv va boshqa innovatsion ishlanmalarni tijoratlashtirish, shuningdek Universitetning mol-mulkini ijaraga berishdan, shartnoma asosida qonun hujjatlarida ruxsat berilgan xizmat ko’rsatish orqali tushgan mablag’lar;
• qonun hujjatlari bilan ta’qiqlanmagan boshqa mablag’lar.

60. Universitetning asosiy faoliyatidan cheklanmagan tartibda ta’lim va boshqa sohalarda pullik xizmat faoliyatini amalga oshirish mumkin. Universitet shug’ullanadigan tadbirkorlik faoliyati uning ustavida belgilangan vazifalarga mos kelishi kerak. Universitet o’z mulki bilan xo’jalik yurituvchi subektlar, jamiyatlar va shirkatlarning ustav jamg’armasida qatnashish, pullik ta’lim xizmatlari, konsultatsiyalar va boshqa xizmatlar uchun narxlarni belgilash, soliq va qonunchilikda nazarda tutilgan majburiy to’lovlardan so’ng qolgan daromadni tasarruf etish huquqiga ega. Muassasa pullik ta’lim xizmatlari ko’rsatish budjetdan ajratiladigan mablag’lar hisobidagi ta’lim faoliyati doirasida va uning o’rniga amalga oshirish mumkin emas. Universitet O’zbekiston Respublikasi qonunchiligiga hamda mazkur Ustavga zid bo’lmagan shartnomalarni tuzish, majburiyatlar va boshqa shartlarni belgilash bo’yicha masalalarni mustaqil hal qiladi. 61.Universitetda lavozim maoshlari «Oliy ta’lim muassasalari xodimlari mehnatiga haq to’lash to’g’risida»gi normativ-huquqiy hujjatlarga muvofiq belgilanadi. Universitet xodimiga lavozim maoshi, o’z funksional vazifalarni hamda mehnat shartnomasida nazarda tutilgan ishlarni bajarganligi uchun to’lanadi. Qo’shimcha maosh, ustama, moddiy yordam va boshqa moddiy rag’batlantirish tadbirlarining hajmini Universitet mustaqil, ish haqi fondi doirasida, O’zbekiston Respublikasi Moliya vazirligining 1995-yil 20-sentabrdagi 177-sonli «Budjet muassasalari va tashkilotlari xodimlarini moddiy rag’batlantirish maxsus fondi to’g’risida»gi Nizom hamda O’zbekiston Respublikasi Vazirlar Mahkamasining 2020-yil 27-avgustdagi 517-sonli Qaror bilan tasdiqlangan «Respublika oliy ta’lim muassasalarining professor-o’qituvchilari va boshqa toifadagi xodimlarini budjetdan tashqari mablag’lar hisobidan moddiy rag’batlantirish tartibi to’g’risida»gi Nizomlarida nazarda tutilgan tartibda va hajmda belgilaydi.

62. Universitetda tashkil etilgan jamoat tashkilotlariga faoliyat ko’rsatishlari uchun zarur bo’lgan xonalarni ajratadi. Universitetda talabalarni ijtimoiy qo’llab-quvvatlash maqsadida tibbiyot tayanch maskani, umumiy ovqatlanish tuzilmasi (oshxona, bufet) talabalarga xizmat ko’rsatish quvvatida qurilib faoliyati tashkil etiladi. Ushbu ob’ektlar isitish, yoritish va suv ta’minoti bilan ta’minlanadi. Umumiy ovqatlanish tuzilmasi (oshxona, bufet) ob’ektlarida talabalarni imtiyozli narxlarda ovqatlantirish tashkil etilishi bilan birga ijtimoiy himoyaga muhtoj talabalar uchun Universitet Yoshlar ittifoqi boshlang’ich tashkiloti hamda kasaba uyushmasi qo’mitasi tavsiyasiga asosan 50 foizgacha imtiyozli narxlarda xizmat ko’rsatiladi. Universitet oshxona va bufetlarini tashkil etishdagi ijaraga berilgan mol-mulkni ijaraga berishdan kelib tushadigan mablag’lar elektron savdo maydonchasi operatori to’lovini chegirib tashlagan holda, to’liq hajmda Universitetning rivojlantirish jamg’armasiga o’tkaziladi. Universitetda tegishli binolarni qurish, ta’mirlash, rekonstruksiya qilish hamda ularning moliyaviy ta’minoti qonunchilikda belgilangan tartibda davlat budjeti va budjetdan tashqari (to’lov-kontrakt) mablag’lar hisobidan hamda davlat xususiy sheriklik asosida amalga oshiriladi.

X. Xalqaro hamkorlik

63.Universitet O’zbekiston Respublikasi Prezidentining 2017-yil 20-apreldagi «Oliy ta’lim tizimini yanada rivojlantirish chora-tadbirlari to’g’risida»gi PQ-2909-son qarori va 2019-yil 8-oktabrdagi «O’zbekiston Respublikasi oliy ta’lim tizimini 2030 yilgacha rivojlantirish konsepsiyasini tasdiqlash to’g’risida»gi PF-5847-son Farmoni hamda mazkur Ustavga muvofiq xorijiy mamlakatlarning ta’lim va ilmiy markazlari, xalqaro jamg’armalar va boshqa tashkilotlar bilan o’zaro manfaatli hamkorlik aloqalarini o’rnatish huquqiga ega. Universitetda chet el fuqarolarini o’qitish, qayta tayyorlash va ularning malakasini oshirish, shuningdek, oliy ta’lim muassasi ilmiy-pedagogik xodimlarining xorijiy mamlakatlarda pedagogik va ilmiy-tadqiqot ishlarini amalga oshirish O’zbekiston Respublikasining vakolatli davlat organlari va xorijiy davlatlarning ta’limini boshqarish bo’yicha tegishli organlari o’rtasida tuzilgan shartnomalar, shuningdek, Universitetning xorijiy davlatlarning ta’lim va ilmiy markazlari, xalqaro jamg’armalar va boshqa tashkilotlar bilan qonunchilikka muvofiq belgilangan tartibda tuzilgan shartnomalari (bitim, memorandumlari), chet el fuqarolari va xorijiy yuridik shaxslar bilan bevosita tuzilgan shartnomalari asosida amalga oshiriladi.

64. Universitet O’zbekiston Respublikasi «Ta’lim to’g’risida»gi Qonunining 67 va 68-moddalariga muvofiq quyidagilar vositasida tegishli xorijiy mamlakatlarning ta’lim muassasalari va tashkilotlari bilan hamkorlikni amalga oshiradi:

• ta’lim muammolari yuzasidan ilmiy-texnik hamkorlikni rivojlantirish;
• qo’shma fakultetlar, o’quv markazlari va ilmiy laboratoriyalar tashkil etish;
• xalqaro darajadagi birgalikda ta’lim hamda ilmiy-tadqiqot loyihalari va dasturlarini tayyorlash;
• hamkorlikda fundamental hamda ilmiy-tadqiqot loyihalarini amalga oshirish;
• ilmiy-amaliy seminarlar, konferensiyalar va simpoziumlar o’tkazish;
• talabalar, magistrlar, pedagoglar va ilmiy xodimlar almashinishini hamda stajirovka o’tashlarini amalga oshirish;
• qo’shma dasturlar va halqaro shartnomalar asosida ikki tomonlama diplomlar (Double Diploma) dasturlarini joriy etish;
• qonun hujjatlariga muvofiq boshqa tadbirlar.

65.Ta’lim sohasidagi xalqaro hamkorlik O’zbekiston Respublikasining xalqaro shartnomalari va qonunchilikka muvofiq amalga oshiriladi. 66. Universitet O’zbekiston Respublikasining qonunchiligiga muvofiq ushbu Ustavda nazarda tutilgan va «Ta’lim to’g’risida»gi Qonuni va O’zbekiston Respublikasi oliy ta’lim tizimini 2030-yilgacha rivojlantirish Konsepsiyasida belgilangan vazifalarni bajarishga, shuningdek, xalqaro aloqalarni rivojlantirishga yo’naltirilgan tashqi iqtisodiy faoliyati bilan shug’ullanish huquqiga ega. 67. Xorijiy oliy ta’lim muassalari bilan hamkorlik shartnomalari asosida qo’shma ta’lim dasturlari bo’yicha kadrlar tayyorlash. Bunda, xorijiy oliy ta’lim muassalarining hamkorlik shartnomalarida belgilangan to’lov-kontrakt kvotalari doirasida qabul qilinish huquqiga egadirlar. 68. Universitetning tashqi iqtisodiy faoliyatd an tushgan valyuta, moddiy tushumlari qonunchilikka binoan uning Ustavida belgilangan faoliyatini ta’minlash uchun ishlatiladi.

69. O’zbekiston Respublikasi Prezidentining 2014 yil 5 martdagi «Mansabdor shaxslarning xorijiy mamlakatlarga chiqish tartibini takomillashtirish choralari to’g’risida»gi PQ-2142-sonli qaroriga asosan Universitet rektori Vazirlar Mahkamasining roziligi bilan xorijiy davlatlarga xizmat safariga yuboriladi.

XI. Yakuniy qoidalar

70. Universitet va uning mansabdor shaxslari O’zbekiston Respublikasining qonunchiligida belgilangan tartibda quyidagilar uchun javobgar bo’ladi:

• ta’lim jarayonida o’quv reja va jadvallarga muvofiq ta’lim dasturlari xajmini to’liq bajarmaganligi;
• ta’lim jarayoni vaqtida Universitetda talabalar, tinglovchilar, doktorantlar, pedagoglar va boshqa xodimlarining hayoti va sog’ligi xavfsizligini ta’minlamaganligi;
• ta’lim oluvchilar, Universitet pedagoglari va xodimlarining huquq va erkinliklari hamda qonuniy manfaatlarining buzilganliyurigi holatlari;
• O’zbekiston Respublikasining qonunchiligida nazarda tutilgan boshqa noqonuniy xatti-harakatlar uchun.

71. Universitetni qayta tashkil etish va tugatish O’zbekiston Respublikasining amaldagi qonunchiligiga muvofiq amalga oshiriladi. Universitetning Ustaviga o’zgartirish yoki qo’shimchalar kiritish Oliy va o’rta maxsus ta’lim vazirining buyrug’iga muvofiq belgilangan tartibda amalga oshiriladi. 72. Mazkur Ustav O’zbekiston Respublikasi Oliy va o’rta maxsus ta’lim vazirining buyrug’i bilan tasdiqlangandan so’ng, o’rnatilgan tartibda davlat ro’yxatidan o’tkaziladi va kuchga kiritiladi.