“Baxtim shul, o‘zbekning Zulfiyasiman”: institutda o‘tkazilgan ijodiy kecha ana shunday nomlandi
Bahorning ilk kuni shoira Zulfiyaxonim tavalludini nishonlash bilan boshlanadi. O‘z ijodi va mashaqqatli hayot yo‘li bilan o‘zbek ayollarining yorqin timsoliga aylangan Zulfiya Isroilova tavalludi munosabati bilan tashkil etilgan ijodiy kechada O‘zbekiston yozuvchilar uyushmasi bo‘lim muharriri Farog‘at Xudoyqulova,”Saodat” jurnali ma’sul muharriri Qutlibeka Rahimboeva,O‘zbekiston yozuvchilar uyushmasi a’zosi Zuhra Mamadalieva, Sa’dina Bobomuroda va Gulchehra Usmonovalar ishtirok etishdi. Ijodiy kechada Zulfiya tom ma’noda bahor, nafosat va go‘zallik kuychisi ekanligini qayd etildi. Mehmonlar ijrosidagi shoira she’rlaridan iborat mushoira adabiyot ixlosmandlariga manzur bo‘ldi.
