Joriy yilning 1 iyun kuni https://t.me/magistrlarofficial telegram kanalida e’lon qilingan murojaat bo‘yicha Jizzax davlat pedagogika universiteti rahbariyatining MUNOSABATI
Jizzax davlat pedagogika universiteti rahbariyati ijtimoiy tarmoqda e’lon qilingan mazkur postga shu kunning o‘zida e’tibor qaratib, quyidagi munosabatni bildiradi. Mazkur murojaatda Sirtqi bo‘lim bitiruvchi talabalardan tamagirlik yo‘li bilan imtihonlardan ishtirok etish uchun pul talab qilinayotgani bayon etilgan. “Magistrlar Official” telegram kanaliga murojaat yo‘llagan talaba “tushlik va yakuniy davlat imtihonlarini topshirish uchun pul yig‘imi bo‘layotganligini, va talaba pul bermasa uni imtihonlardan yiqitishlarini” iddao qilgan. Ayni paytda rahbariyat tomonidan mazkur murojaat bo‘yicha maxsus ishchi guruhi shakllantirilib o‘rganish ishlar olib borilmoqda. O‘rganish natijasida aniqlangan holat ijtimoiy tarmoqlarda e’lon qilinadi. Universitet rahbariyati, (https://t.me/magistrlarofficial/10800) telegram kanali admini tomonidan chiqarilgan universitet sha’nini yerga uruvchi, asoslanmagan ma’lumotlar o‘z isbotini topmasa belgilangan tartibda huquqni muhofaza qiluvchi organlarga murojaat qilishni va tegishli tartibda javobgarlik masalalarini ko‘rib chiqilishini bildiradi. O‘rni kelganda shuni alohida ta’kidlamoqchimizki, ushbu oliygoh allaqachonlar universitet maqomini olib ulgurgan. Prezidentimiz Shavkat Miromonovich Mirziyoyevning 2022 yil 21 iyun “Pedagogik ta’lim sifatini oshirish va pedagog kadrlar tayyorlovchi oliy ta’lim muassasalari faoliyatini yanada rivojlantirish chora-tadbirlari to‘g‘risida”gi PQ-289-sonli qaroriga asosan Jizzax davlat pedagogika instituti negizida Jizzax davlat pedagogika universiteti tashkil qilindi. Eslatma: Hurmatli talabalar agarda siz bilan shunday holat yuz bersa, shu kabi noxush voqelarning guvohi bo‘lsangiz @jdpiantikorrbot telegram kanaliga murojaat yo‘llashingiz, Shu bilan bir qatorda universitetdagi Korrupsiyaga qarshi kurashish «Komplaens nazorat» tizimini boshqarish bo‘limiga yoki tegishli tartibda huquqni muhofaza qilish idoralariga murojaat qilishingizni so‘raymiz.
Jizzax davlat pedagogika universiteti axborot xizmati
