Mushoiraga yo‘g‘rilgan uchrashuv…

Shoir bilan uchrashuv Jizzax davlat pedagogika institutida  O‘zbekiston xalq shoiri, O‘zbekiston Yozuvchilar uyushmasi raisi Sirojiddin Sayyid bilan ijodiy uchrashuv bo‘lib o‘tdi. Yosh ijodkorlar,  institut professor-o‘qituvchilari  ishtirokida o‘tgan tadbirni oliygoh rektori Sh. Sharipov ochib berdi. Tadbir ishtirokchilari ijodkorlar tomonidan yod olingan she’rlarni eshitishdi. Samimiy suhbat, savol-javob, mushoiraga yo‘g‘rilgan uchrashuv mumtoz va zamonaviy adabiyot darsiga, ijod saboqlariga aylanganligi bilan ahamiyatli bo‘ldi. Tadbir davomida  O‘zbekiston Yozuvchilar uyushmasi raisi Sirojiddin Sayyid ishtirokchilarning  ijod namunalarini tinglab, ijodkor e’tibor qaratishi lozim bo‘lgan qoidalar yuzasidan o‘z maslahatini berib o‘tdi. Tadbir so‘ngida  institut kutubxonasiga O‘zbekiston Yozuvchilar uyushmasi tavsiyasi asosida  chop etilgan badiiy kitoblar sovg‘a qilindi Shuningdek, Yozuvchilar uyushmasiga yangi a’zo bo‘lgan ijodkorlarga tantanali ravishda guvohnomalar topshirildi.