“Rektor bilan muloqot“ – Jizzax davlat pedagogika instituti madaniyat saroyida o‘tkazilgan uchrashuv ana shunday nom oldi. 30 iyun Yoshlar kuni arafasida oliygohda 18 ta mutaxassislik bo‘yicha 207 nafar magistr talabalari magistrlik dissertatsiyasi himoyalarini muvafaqiyatli topshirdi. Ikki yillik o‘quv jarayonida muvaffaqiyatlarga erishgan, ilmda hamda institutning ma’naviy-ma’rifiy tadbirlarda faol bo‘lgan magistrlarni taqdirlash, rasmiyatchilikdan xoli, yuzma-yuz dildan suhbatlashish maqsadida tashkil qilingan muloqotga oliygohni bitirib ketayotgan 200 dan ziyod magistrlar jalb qilindi.
Uchrashuvni kirish so‘zi bilan ochib bergan institut rektori Sh.Sharipov magistraturada faqat diplom uchun emas, balki ilm bilan shug‘ullangan, ilmiy ish qilishni maqsad qilgan talabalar o‘qishi kerakligini ta’kidladi. Muloqot davomida magistr talabalari bundan bir yil oldin tashkil qilingan “Rektor bilan muloqot” uchrashuvida berilgan takliflarning ijobati, ularga ko‘rsatilgan e’tibor uchun o‘z minnatdorchiliklarini bildirib o‘tishdi.
Muloqat jaryonida magistr talabalar o‘zlarini qiziqtirgan barcha savollarga institut rektoridan o‘z javoblarini olishdi.
“Men bundan bir yil oldin institut rektori Sh.Sharipov bilan bo‘lgan uchrashuvda o‘zimning bir necha takliflarim bilan murojaat qilgan edim. Ulardan biri Jismoniy madaniyat yo‘nalishini sport inventarlari bilan ta’minlash xususan basketbol bo‘yicha qizlar terma jamoasi tarkibini shakllantirish edi. Bir yil vaqt mobaynida ushbu jamoa shakllantirildi hozirdi basketbol bo‘yicha qizlar o‘rtasida o‘tkazilgan respublika miqyosidagi musobaqalarda yuqori natijalarga erishmoqda. Shuningdek o‘z murojaatimda institumiza bo‘lajak rahbarlarni tayyorlash uchun maxsusm “rahbarlik klub” ini tashkil etilishini so‘ragandim biz bir yil mobaynidaushbu klubni tashkil etdik va rahbarlik soatlari darslarini ham o‘tdik. Buning uchun o‘z minnatdorchiligimni yana bir bor aytib o‘taman.”-deydi magistr talaba S. Xazratqulov
Muoloqt davomida, institut rektori Sh.Sharipov magistr bitiruvchilarning ish faoliyati, kelgusi xayoti maqsad va rejalari bilan qiziqib o‘z maslahatlarini ham berib o‘tdi.
Uchrashuv yakunida institutning ma’naviy-ma’rifiy tadbirlarda faol ishtirok etgan hamda o‘zining odob-ahloq hislatlari bilan ustozlarning hurmatiga sazovor bo‘lgan magistr talabalarini taqdirlash marosimi o‘tkazildi.
Ochiq va samimiy ruhda o‘tkazilgan uchrashuv so‘ngida institut rektori barcha bitiruvchi magistrlarga o‘z tilaklarini bildirdi.
“-Demak, kelajakda qanday soha mutaxassisi bo‘lishingizdan qat’iy nazar, shu oliy dargohda ta’lim olganligingiz yodingizdan chiqmasligi kerak. Bu sizga katta mas’uliyat yuklaydi. Biz sizga ishonamiz. Oq yo‘l sizga institutimiz magistrlari” …
Jizzax davlat pedagogika instituti axborot xizmati
