Rossiya Federatsiyasi  yozuvchisi Fyodor Razzoqovning «Sharof Rashidov: hayot va mamot» deb nomlangan kitob taqdimotiga bag‘ishlangan xalqaro konferensiya bo‘lib o‘tdi

Jizzax viloyati axborot kutubxona markazi hamda Jizzax davlat pedagogika universtitetining “Rus adabiyoti va uni o‘qitish metodikasi” kafedrasi hamkorligida Rossiya Federatsiyasi  yozuvchisi Fyodor Razzoqovning «Sharof Rashidov: hayot va mamot» deb nomlangan kitob taqdimotiga bag‘ishlangan xalqaro konferensiya o‘tkazildi. Tadbirni Jizzax viloyati hokimi o‘rinbosari  A.Savurbaev ochib berdi. Shundan so‘ng “Sharof Rashidov: Hayot va mamot” kitobi muallifi Fyodor Razzoqov asar haqida va uni yozishga turtki bo‘lgan voqelar xususida ishtirokchilarga batafsil hikoya qildi. Konferensiyada shuningdek Jizzax davlat pedagogika universiteti professor-o‘qituvchilari so‘zga chiqishdi. Konferensiya yuqori ilmiy saviyada o‘tkazildi va qatnashchilarda katta taassurotlar qoldirdi. Xalqaro ilmiy amaliy konferensiyada shuningdek viloyat ma’naviyat va ma’rifat markazi direktori Iqbolxon Umarova, O‘zbekiston yozuvchilar uyushmasi Jizzax viloyat bo‘limi raisi Mehribon Abdurahmonova, Jizzax davlat pedagogika universtitetining “Rus adabiyoti va uni o‘qitish metodikasi” kafedrasi professor-o‘qituvchilari va magistr talabalar, Jizzax viloyatidagi rus, tatar, tojik madaniy markazlaridan vakillar ishtirok etishdi.