Xonanda Shuxrat Daryo jonli konsert dasturini taqdim etdi…
Ko‘pchiligimiz jonli ijrodagi konsert dasturlari yo‘qolib ketayotganidan noliymiz. Ammo jonli ijroda uyushtirilayotgan konsertlarga yolchitib bormaymiz. Yengil-yelpi, maza-bemaza fonogramma konsertlarni miriqib tomosha qilishga o‘rganib ham bo‘ldik…Bugun Jizzax davlat pedagogika instituti madaniyat saroyida xonanda Shuhrat Daryo jonli ijrodagi konsertini o‘z muxlislariga taqdim etdi. Institut talabalari, professor-o‘qituvchilar ishtirokida bo‘lib o‘tgan jonli konsert dasturi yuksak saviyada o‘tdi. Dastur davomida xonanda tomoshabinlar tomonidan tushgan savollarga javob berdi
— Musiqani buyuk ne’mat, deb bilaman. Inson qalbi, ko‘ngli uchun berilgan, hayratlanishi uchun yaratilgan buyuk yaratiq. Bir o‘ylab ko‘ring-a? Dunyoni musiqasiz, umuman, xush yoquvchi ohanglarsiz tasavvur qilib bo‘ladimi? Unda hayotning mazmunini ham tushunish murakkab bo‘lib qoladi. Barcha ne’matlar qatori kuyning ham qadriga yetishimiz kerak. Musiqani buzishni katta xato, deb bilaman. Balki shuning uchun ham ustozlarning qo‘shiqlarini buzib aytayotganlarni ko‘rsam, g‘azabim kelar. Doim bironta kuy ustida ishlay boshlasam, uning kelajagini o‘ylayman. Vaqti kelib, shunday qo‘shiq yaratganimdan afsuslanmasligim shart”-deydi xonanda Shuhrat Daryo.
