joriy yil 27 may kuni viloyat yoshlar shaharchasi ekologik istirohat bog‘ida professor-o‘qituvchilari va talabalari o‘rtasida “Zakovat” intellektual o‘yini bo‘lib o‘tdi.
Tadbirni Jizzax davlat pedagogika universiteti Yoshlar masalalari, ma’naviy va ma’rifiy ishlar bo‘yicha birinchi prorektor S.I.Nazarqosimov ochib berdi. Tashkil etilgan intellektual o‘yinda universitetning barcha fakultetlarida 6 ishtirokchidan iborat jamoalar o‘zaro Kuch sinashdilar.
“Zakovat” intellektual o‘yini 2 turda bo‘lib o‘tdi. Har 2 turda jamoalarga 10 tadan jami 20 ta savol berildi. 1-turda yetarli ballarni qo‘lga kiritolmagan jamoalar o‘yinni tark etishdi. 2-tur qizg‘in bahs-munozaralarga boy tarzda davom etdi.
Professor-o‘qituvchilaridan tashkil topgan jamoalar o‘rtasida o‘tkazilgan O‘yin natijalariga ko‘ra faxrli 1-o‘rin Pedagogika va psixologiya fakulteti jamoasiga, 2-o‘rin Maktabgacha ta’lim fakulteti; fakulteti jamoasiga , 3-o‘rin esa Fizika va texnologik ta’lim fakulteti jamoalariga nasib etdi. Talabalar o‘rtasida o‘tkazilgan o‘yin natijalariga ko‘ra 1-o‘rinni Maktabgacha ta’lim fakulteti, 2-o‘rinni Matematika va informatika fakulteti, 3-o‘rinni Tibbiyot fakulteti talabalari qo‘lga kiritishdi.
G‘oliblikni qo‘lga kiritgan jamoalarga universitet rektori nomidan diplom va esdalik sovg‘alari taqdim etildi.
