«Yurtiga sadoqat bilan xizmat qilgan inson xalq qalbida mangu yashaydi!” mavzusida tadbir tashkil etildi.

3 noyabr kuni axborot-resurs markazida o‘zbek elining suyukli farzandi, atoqli davlat arbobi va yozuvchi Sharof Rashidov tavalludi munosabati bilan tadbir bo‘lib o‘tdi. Mazkur tadbir Boshlang‘ich ta’lim metodikasi kafedrasi hamda ARMning “Qodiriy vorislari” to‘garagi hamkorligida tashkil etildi.          Tadbirda universitet tasarrufidagi “Qatag‘on qurbonlari” muzeyi direktori B.Ergasheva ishtirok etib, Sharof Rashidovning hayot yo‘li va ijodi to‘g‘risida  to‘xtaldi. Shuningdek kafedra o‘qituvchilari G.Kuttibekova, X.Shukurova hamda ARM bo‘lim boshlig‘i S.Darvishevalar so‘zga chiqib, yozuvchining asarlari, she’rlari to‘g‘risida o‘z fikrlarini bildirdilar. Tadbir so‘nggida ARM yetakchi mutaxassisi S.Isroilova mavzuga doir adabiyotlar ko‘rgazmasini ishtirokchilarga sharhlab berdi. Shu bilan birga mazkur sanaga bag‘ishlangan “Elning fidoiy farzandi” nomli tadbir Maktabgacha va boshlang‘ich ta’limda xorijiy tillar yo‘nalishi bilan hamkorlikda o‘tkazildi