Jizzax davlat pedagogika universiteti tashabbusi bilan Jizzax viloyati Arnasoy tumanidagi “Aydarko‘l Resort” majmuasida bo‘lib o‘tgan mazkur anjuman geografiya ta’limining bugungi holati, ustuvor yo‘nalishlari hamda global ekologik va ijtimoiy-iqtisodiy muammolar yechimida fan rolini muhokama qilishga qaratildi.

Konferensiyada O‘zbekiston va xorijiy ilmiy muassasalar, jumladan, geografiya jamiyatlari, yetakchi universitetlar vakillari, professor-o‘qituvchilar, olimlar va talabalar ishtirok etdi.

Ma’ruzalar doirasida geoekologi a, gidrologiya, barqaror rivojlanish, iqlim o‘zgarishi, sun’iy intellektning ta’limdagi o‘rni kabi dolzarb yo‘nalishlar yoritildi.

Shuningdek, yalpi majlis va 4 ta sho‘ba yig‘ilishlarida geografiya ta’limining strategik vazifalari hamda mintaqaviy rivojlanish masalalari keng muhokama qilindi.

Anjuman Aydar-Arnasoy ko‘llar tizimi hududida tashkil etilgani bilan ahamiyatli bo‘lib, nazariya va amaliyot uyg‘unligini ta’minladi. Yakunda geografiya ta’limini rivojlantirish, xalqaro ilmiy hamkorlikni kengaytirish va malakali pedagog kadrlar tayyorlash yuzasidan muhim taklif va tavsiyalar ishlab chiqildi.