Tashrif doirasida universitet rektori Yuldashev Maksudjan Abdullayevich Jizzax davlat pedagogika universitetining 2026–2030-yillarga mo‘ljallangan rivojlantirish konsepsiyasi taqdimotini o‘tkazdi.

Unda oliy ta’lim muassasasida korrupsiyaga qarshi kurashish borasida amalga oshirilayotgan ishlar, joriy etilgan tizimli chora-tadbirlar hamda “Korrupsiyasiz soha” va “Korrupsiyaga qarshi kurashish oyligi” doirasida bajarilgan ishlar haqida atroflicha ma’lumot berildi.

Korrupsiyaga qarshi kurashish agentligi direktori o‘rinbosari To‘xtasheva Umida Abdilovna o‘z chiqishida ta’lim tizimida korrupsiyaga barham berish, korrupsiyaga qarshi kurashishning zamonaviy mexanizmlari, shu jumladan “korrupsiya klasteri” tushunchasi va uning amalda qanday ishlashi masalalari yuzasidan batafsil fikr bildirdi.

Uchrashuv yakunida ishtirokchilar tomonidan bildirilgan savol va takliflar tinglanib, ular yuzasidan tegishli tushuntirishlar berildi.