Bugun Boshlang‘ich ta’lim fakultetida diplom topshirish marosimi bayramona va ko‘tarinki kayfiyatda o‘tkazildi. Tantanali tadbirda universitet rahbariyati, fakultet dekanati, professor-o‘qituvchilar, aziz mehmonlar va bitiruvchi yoshlar hamda ularning ota-onalari ishtirok etdi.

Tadbir avvalida universitet rektori Shavkat Sharipov so‘zga chiqib, yoshlarga yaratilayotgan imkoniyatlar, oliy ta’lim tizimida amalga oshirilayotgan islohotlar va ayniqsa, pedagogik kadrlarning jamiyatdagi beqiyos o‘rni haqida ijobiy fikrlarini bildirdi.

Diplomlar bitiruvchilarga tantanali tarzda topshirildi. O‘qituvchilarning samimiy tilaklari va bitiruvchilarning minnatdorlik so‘zlari tadbirga alohida ruh va iliqlik bag‘ishladi.

Bugun universitet nafaqat bilimli, balki yuksak ma’naviyatli pedagoglarni jamiyat sari uzatdi. Ularning har biri – ertangi yorug‘ kelajagimizga ishonchli qadam, xalq ta’limi tizimida yangi nafas, kelajak avlodlarga mehr-u sadoqat bilan xizmat qiladigan ustozlardir.

Bitiruvchilarga oq yo‘l tilaymiz! Yangi hayot bosqichida ularga omad va zafarlar hamroh bo‘lsin!